პოლიტიკის დოკუმენტების კონკურსის ფარგლებში, ინფორმაციის თავისუფლების განვითარების ინსტიტუტმა (IDFI) 15 ივლისს, გამართა ონლაინ ტრენინგი საჯარო პოლიტიკის ანალიზის შესახებ.კონკურსით დაინტერესებულმა ახალგაზრდებმა მიიღეს პრაქტიკული და თეორიული ინფორმაცია საჯარო პოლიტიკის საკითხებზე როგორ უნდა მომზადდეს პოლიტიკის ანალიზის დოკუმენტი. კერძოდ, მონაწილეები გაეცნენ:

 - როგორ გამოკვეთონ პრობლემა და ააგონ პრობლემის ხე;

 - როგორ მოამზადონ კონტექსტის ანალიზი;

 - როგორ გაანალიზონ პრობლემის გარშემო სხვადასხვა მხარის დამოკიდებულებები;

 - როგორ შეიმუშაონ პრობლემის გადაჭრის გზები და რეკომენდაციები;

 - ასევე, ზოგადად, როგორ მოამზადონ პოლიტიკის დოკუმენტი.

ტრენინგი ჩატარდა ინტერაქციულ რეჟიმში. მონაწილეებს ჰქონდათ საშუალება დაესვათ სასურველი კითხვები, ემუშავათ ჯგუფებში პრობლემის ხის აგების საკითხებზე და ტრენერისგან მიეღოთ რჩევები პოლიტიკის ანალიზის დოკუმენტის მოსამზადებლად.

პოლიტიკის დოკუმენტების კონკურსი გამოცხადებულია USAID-ის საჯარო მმართველობის პროგრამის მხარდაჭერით, პროექტის - „ახალგაზრდების გაძლიერება მტკიცებულებებზე დაფუძნებული პოლიტიკის შემუშავებისთვის“ - ფარგლებში. მისი მიზანია სტუდენტებისა და ახალგაზრდა პროფესიონალების წახალისება, საჯარო პოლიტიკის სხვადასხვა საკითხზე მოამზადონ მტკიცებულებებზე დაფუძნებული პოლიტიკის დოკუმენტი /ანალიტიკური ნაშრომი და გააცნონ საზოგადოებას საკუთარი ხედვები კონკრეტული პრობლემების გადასაჭრელად.

კონკურსის დეტალური პირობებისა და გამარჯვებულთათვის გათვალისწინებული მხარდაჭერის შესახებ ინფორმაციის გასაცნობად ეწვიეთ ბმულს: https://idfi.ge/ge/pagel/competitionview/73/