2024 წლის 9 ივლისს, IDFI-მ, პოლიტიკის დოკუმენტების კონკურსის ფარგლებში გამართა ონლაინ ტრენინგი საჯარო მონაცემების მოპოვებისა და შეგროვების საკითხებზე. კონკურსით დაინტერესებული ახალგაზრდებმა მიიღეს პრაქტიკულ და თეორიული ინფორმაცია, საჯარო მონაცემების გამოთხოვის, მიღების და სხვადასხვა ონლაინ წყაროებიდან მოპოვების შესახებ. ტრენინგი შეეხო ისეთ საკითხებს, როგორიცაა:

 - საჯარო ინფორმაციის ხელმისაწვდომობის საკანონმდებლო გარანტიები საქართველოში

 - საჯარო ინფორმაციის განმარტება

 - არასაჯარო ინფორმაციის კატეგორიები

 - საჯარო ინფორმაციის მოთხოვნის წერილის მომზადება

 - საჯარო ინფორმაციის მოთხოვნის ფორმები და გზები

 - საჯარო ინფორმაციის გაცემის ვადები

 - საჯარო ინფორმაციის ხელმისაწვდომობის ტენდენციები საქართველოში

 - მიღებული საჯარო მონაცემების გამოყენების მაგალითები

 - საჯარო ინფორმაციის პროაქტიული გამოქვეყნების სტანდარტი

 - მნიშვნელოვანი მონაცემების მატარებელი საჯარო დაწესებულებების ვებგვერდები და პლატფორმები

 - სამოქალაქო საზოგადოების მიერ შექმნილი მონიტორინგის პლატფორმები

ტრენინგი ჩატარდა ინტერაქციულ რეჟიმში. მონაწილეებს ჰქონდათ საშუალება დაესვათ სასურველი კითხვები და IDFI-ის წარმომდგენლებისგან მიეღოთ რჩევები ცალკეული მონაცემების მოსაძიებლად ეფექტური გზების მოსაძებნად. ტრენინგის ბოლოს მონაწილეებმა გააკეთეს ინდივიდუალური დავალება საჯარო პოლიტიკის სასურველ საკითხებზე მონაცემების მოპოვების მეთოდებსა და გზებზე, რომელზეც მიიღებენ IDFI-ის წარმომადგენლების უკუკავშირსა და რჩევებს. აღნიშნული დავალება მათ დაეხმარებათ კონკურსის ფარგლებში პოლიტიკის დოკუმენტის მომზადებაში.

პოლიტიკის დოკუმენტების კონკურსი გამოცხადებულია USAID-ის საჯარო მმართველობის პროგრამის მხარდაჭერით, პროექტის - „ახალგაზრდების გაძლიერება მტკიცებულებებზე დაფუძნებული პოლიტიკის შემუშავებისთვის“ - ფარგლებში. მისი მიზანია სტუდენტებისა და ახალგაზრდა პროფესიონალების წახალისება, საჯარო პოლიტიკის სხვადასხვა საკითხზე მოამზადონ მტკიცებულებებზე დაფუძნებული პოლიტიკის დოკუმენტი /ანალიტიკური ნაშრომი და გააცნონ საზოგადოებას საკუთარი ხედვები კონკრეტული პრობლემების გადასაჭრელად.

კონკურსის დეტალური პირობებისა და გამარჯვებულთათვის გათვალისწინებული მხარდაჭერის შესახებ ინფორმაციის გასაცნობად ეწვიეთ ბმულს: https://idfi.ge/ge/pagel/competitionview/73/