2013 წლის 15 მაისს სახალხო უნივერსიტეტთა გერმანული ასოციაციის (dvv international) ოფისში გაიმართა დისკუსია “ვის იცავს შრომის კოდექსი“. მომხსენებლები იყვნენ ბატონი ზურაბ სანიკიძე, იუსტიციის სამინისტროს ანალიტიკური დეპარტამენტის მთავარი იურიდიული მრჩეველი და ვახტანგ ლეჟავა, პოლიტიკის ანალიზის ცენტრის სამეთვალყურეო საბჭოს წევრი.

შეხვედრის მოდერატორი იყო დავით ჯიშკარიანი - ინფორმაციის თავისუფლების განვითარების ინსტიტუტი ( IDFI). დისკუსიაზე განხილულ იქნა შრომის კოდექსში განსახორციელებელი ცვლილებები, რომლებიც შეეხება ხელშეკრულებების დადების და შრომითი ურთიერთობების შეწყვეტის წესებს, სამუშაო დროის ნორმირების, ზეგანაკვეთური შრომის ანაზღაურების და შრომისუუნარობის საკითხებს, გაერთიანების თავისუფლების, გაფიცვისა და ლოკაუტის უფლება და სხვა აქტუალურ საკითხები. 

ბატონმა ზურამ სანიკიძემ საუბრისას აღნიშნა, რომ კანონში განსახორციელებელი ცვლილებები დაარეგულირებს ბაზარზე შრომით ურთიერთობებს და განსახორციელებელი ცვლილებებში გათვალისწინებულია, როგორც დამსაქმებლის ასევე დასაქმებულის ინტერესები.

ბატონმა ვახტანგ ლეჟავამ აღნიშნა, რომ ცვლილებები შესაძლოა ეკონომიკის განვითარების ხელშემშლელი ერთერთი ფაქტორი იყოს. შეხვედრას ესწრებოდნენ არასამთავრობო ორგანიზაციების, პროფკავშირების, კერძო ბიზნესის წარმომადგენლები და დაინტერესებული საზოგადოება.

შეხვედრამ კითხვა-პასუხის რეჟიმში ჩაიარა. დისკუსიის ორგანიზატორები არიან სახალხო უნივერსიტეტთა გერმანული ასოციაცია (dvv international), ინფორმაციის თავისუფლების განვითარების ინსტიტუტი (IDFI) და კავკასიის საერთაშორისო უნივერსიტეტი.

აღნიშნული შეხვედრა გაიმართა პროექტ „ დისკუსიები სამუშაო დღის შემდეგ „ ფარგლებში.