საიამ, 2013 წლის 21 მარტს, თბილისის მერის სახელზე ღია წერილი გაავრცელა, რასაც მერიის მხრიდან გამოხმაურება მოჰყვა. საპასუხო წერილის შინაარსი მერიის მიერ არის იმის ახსნა, რომ კანონის მოთხოვნათა შეუსრულებლობას ადგილი არ ჰქონია და საიას პრეტენზიები უსაფუძვლოა. აღნიშნულთან დაკავშირებით საიამ გაავრცელა საპასუხო განცხადება სადაც მათ შორის აღნიშნულია შემდეგი: "მოცემულ შემთხვევაში არ ვისაუბრებთ წლების განმავლობაში საიას და სხვა არასამთავრობო ორგანიზაციების არაერთი კვლევის, განცხადებისა თუ სარჩელის შესახებ, რაც სიღრმისეულად ასახავდა თუ როგორ ,,ასრულებდა" თბილისის მერია აღნიშნულ ვალდებულებას. ჩვენ მხოლოდ პუნქტობრივად ვუპასუხებთ მერიის განცხადებას და ვფიქრობთ, ესეც საკმარისი იქნება იმის წარმოსაჩენად, თუ რა დამოკიდებულება აქვს თბილისის მერიას ერთის მხრივ კანონის, ხოლო მეორეს მხრივ საზოგადოების მოთხოვნებისადმი."
IDFI სრულად იზიარებს საიას განცხადების შინაარს და თბილისის მერიის მხრიდან საჯარო ინფორმაციის გაცემის კანონმდებლობით დაკისრებული ვალდებულების რეგულარულად შეუსრულებლობის დასადასტურებლად, წარმოგიდგენთ თბილისი მერიიდან მიღებულ პასუხების მცირე ნაწილს, რომლითაც წლების განმავლობაში მერიის მხრიდან ხდებოდა საჯარო ინფორმაციის გაცემისგან თავის არიდება:
მოთხოვნა - სოციალურ პროგრამებზე შეტანილი და დაკმაყოფილებული განცხადებების რაოდენობა
მიღებული პასუხი - გადამისამართება
მოთხოვნა - აღმაშენებლის გამზირის რეკონსტრუქციის ხარჯები
მიღებული პასუხი - გადამისამართება
მოთხოვნა - სარეზერვო ფონდებიდან 2011 წლის I კვარტალში გაწეული ხარჯები
მიღებული პასუხი - გადამისამართება
მოთხოვნა - 2010 -2011 წლებში ქალაქის გამწვანებაზე დახარჯული თანხები
მიღებული პასუხი - გადამისამართება
მოთხოვნა - გუდაურში მიმდინარე სამშენებლო სამუშაოებზე გამოყოფილი თანხები
მიღებული პასუხი - გადამისამართება
მოთხოვნა - ინფორმაცია ქ. თბილისში გუდიაშვილის მოედანზე განსახორციელებელი სამუშაოების შესახებ
მიღებული პასუხი - გადამისამართება
სიახლეების გამოწერა
