2013 წელს 14 სამინისტროს თანამდებობის პირებზე პრემიის სახით გაცემულია 5 729 131 ლარი, ხოლო სახელფასოდანამატის სახით 3 135 038 ლარი. 14 მინისტრიდან პრემიისა და სახელფასო დანამატის სახით ყველაზე მეტი თავდაცვის მინსტრმა ირაკლი ალასანიამ 83 076 ლარი მიიღო, ხოლო ყველაზე ცოტა 25 043 ლარი განათლების მინისტრს თამარ სანკიძეს გადაუხადეს. დანარჩენი მინისტრების შემოსავალი 42 ათასიდან 50 ათას ლარამდე მერყეობს.

ინფორმაციის თავისუფლების განვითარების ინსტიტუტს  პრემიისა და სახელფასო დანამატის სახით გაცემული თანხების შესახებ ინფრომაცია არასრულად მიაწოდეს:  ფინანსთასამინისტრო, ეკონომიკისა და მდგრადი განვითარების სამინისტრო, შრომის, ჯანმრთელობისა და სოციალური დაცვის სამინისტრო, საგარეო საქმეთა სამინისტრო.

ენერგეტიკის მინისტრის სამ მოადგილეზე 2013 წელს პრემიის სახით გაცემულია 186 080 ლარი, მაშინ როდესაც განათლებისა და მეცნიერების მინისტრის ოთხი მოადგილის 2013 წელს პრემიის სახით მიღებულმა შემოსავალმა შეადგინა 22 220 ლარი.

10 ყველაზე დიდი ფულადი წახალისებით პრემირებულ მინისტრის მოადგილეები არიან:

იუსტიციის მინისტრის ოთხი მოადგილე: დავით ჯანდიერი (57 520 ლარი), ალექსანდრე ბარამიძე (55 971) გოჩა ლორთქიფანიძე (54 419 ლარი), ალექსანდრე ბურჭულაძე (54 419 ლარი).

ენერგეტიკის მინისტრის  სამი მოადგილე: მარიამ ვალიშვილი (65 280 ლარი), ილია ელოშვილი (65 280 ლარი), ირაკლი ხმალაძე (55 520 ლარი). სასჯელაღსრულებისა და პრობაციის მინისტრის ორი მოადგილე: არჩილ თალაკვაძე (59 840 ლარი), გრიგოლ გიორგაძე (47 220 ლარი).

თავდაცვის მინისტრის მოადგილე ირაკლი გეგეჭკორი (49 823 ლარი).

იხილეთ ბმული