შეხვედრა პრემიერ მინისტრთან და სამოქალაქო საზოგადოების ფორუმი

სიახლეები | პუბლიკაციები | ღია მმართველობა და კორუფციასთან ბრძოლა | სტატია 21 დეკემბერი 2012

 

სანდრო როჩიკაშვილი

14 დეკემბერს საქართველოს პრემიერ მინისტრი კოალიცია ”მედია ადვოკატირებისთვის” წარმომადგენლებს შეხვდა ქვეყანაში ამჟამად მიმდინარე პროცესებისა და სამომავლო გეგმების განხილვის მიზნით.

კოალიციაში, რომელის აქტიურ მონაწილეობას იღებდა ღია მმართველობის პარტნიორობის საქართველოს სამოქმედო გეგმის შემუშავებაში, შედის 12 არასამთავრობო ორგანიზაცია (მათ შორის IDFI-ც). კოალიციის მიზანია მედიის როლის გაძლიერება და მედიამფლობელებისა და ჟურნალისტების ინტერესების დაცვა.

საუბარი შეეხო ღია მმართველობის პარტნიორობასაც. დისკუსიის მსვლელობაში კოალიციის მხრიდან გამოითქვა სურვილი, რომ ინიციატივის ფარგლებში მიმდინარე პროექტების და სხვა ამდაგვარი საქმიანობის კურირების საქმე გადავიდეს პრემიერ მინისტრის კურირების სფეროში. კოალიციის წევრებმა გამოთქვეს მზადყოფნა აქტიურად ითანამშრომლონ პრემიერთან და მიწოდონ მას იდეები საქართველოში გამჭვირვალობის ხარისხის, ინფორმაციისა და მედიის თავისუფლების გაუმჯობესების მიზნით.

ღია მმართველობის პარტნიორობის სამოქმედო გეგმის შესრულებას და მის ფარგლებში ჩატარებულ ღონისძიებებს ამჟამად კურირებს იუსტიციის სამინისტროს ანალიტიკური დეპარტამენტი, რომელმაც წინა კვირას ჩაატარა კონკურსი საქართველოს სტუდენტებს შორის ღია მმართველობის პოპულარიზაციის მიზნით საერთაშორისო ანტი-კორუფციული დღის ფარგლებში (ამის შესახებ შეგიძლიათ იხილოთ წინა ბლოგ-პოსტი).

ამავდროულად, USAID-ის საქართველოში დემოკრატიული მმართველობის პროგრამის (G3) ფარგლებში იმავე კვირაში, 14-16 დეკემბერს გაიმართა სამოქალაქო საზოგადოების ფორუმი ბაზალეთზე ინფორმაციის თავისუფლების საკითხების შესახებ, რომელზეც ღია მმართველობის პარტნიორობის სამოქმედო გეგმისა და ინფორმაციის პროაქტიული გამოქვეყნების შესახებ ისაუბრეს IDFI-ის წარმომადგენლებმა გიორგი კლდიაშვილმა და ლევან ავალიშვილმა. ფორუმში მონაწილეობა მიიღეს სხვადასხვა არასამთავრობო ორგანიზაციის და მედიის წარმომადგენლებმა, ასევე დამოუკიდებელმა ექსპერტებმა, რომლებმაც წარმოადგინეს თავიანთი ხედვები ინფორმაციის თავისუფლების კანონმდებლობის და პრაქტიკის გაუმჯობესების შესახებ.

სხვა მასალები ამ თემაზე
სიახლეები

ადამიანის უფლებათა ევროპულმა სასამართლომ “რუსულ კანონთან” დაკავშირებით არასამთავრობო და მედია ორგანიზაციების საჩივარის განხილვა დაიწყო

27.03.2025

ევროპის საბჭოს ადამიანის უფლებათა კომისრის მემორანდუმის მიმოხილვა საქართველოში ადამიანის უფლებების მდგომარეობის შესახებ

27.03.2025

ივანიშვილის ფარა ქართული მედია და არასამთავრობო ორგანიზაციების წინააღმდეგ

24.03.2025

კოალიციის განცხადება საზოგადოებრივი მაუწყებლის სამეურვეო საბჭოს მიერ დამოუკიდებელი ჟურნალისტების დევნის შესახებ

23.03.2025
განცხადებები

მედია კოალიცია რეგიონული მედიის საქმიანობის შეზღუდვის ფაქტებს ეხმიანება

28.02.2025

მედიის ადვოკატირების კოალიციის განცხადება ტვ პირველის ოპერატორის უკანონო დაკავებასთან დაკავშირებით

19.02.2025

ქართული ოცნება მსხვერპლების კრიმინალიზებას ეწევა

13.02.2025

IDFI-ის განცხადება ორგანიზაციის აღმასრულებელი დირექტორის უკანონოდ დაჯარიმების შესახებ

12.02.2025
ბლოგპოსტები

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024

ინტერმუნიციპალური საქმიანობის გაძლიერება საქართველოში

21.10.2024