კოალიცია ,,მედიის ადვოკატირებისთვის” ყურადღებით აკვირდება MUST Carry-სა და MUST Offer ის პრაქტიკულ განხორციელებას და გამოთქვამს წუხილს, რომ მიუხედავად მრავალთვიანი დავისა, ვერ მოხერხდა მოლაპარაკება მაგთიკომსა და პალიტრა TV-ს შორის.

დავა ვერ დარეგულირდა კომუნიკაციების ეროვნული კომისიისა და სასამართლოს მიერ საკითხის განხილვითაც, რომლებმაც არ დაავალდებულეს მაგთიკომი საკუთარ სამაუწყებლო პაკეტში განეთავსებინა პალიტრა TV -ს კონტენტი.

კოალიციისთვის არსებითად მნიშვნელოვანია, რომ მოსახლეობისთვის, მიუხედავად იმისა, რომელ პლატფორმას იყენებენ მაუწყებლობის მისაღებად, თანაბრად იყოს ხელმისაწვდომი ადგილობრივი საერთო მაუწყებლები, იმგვარად , რომ არ მოხდეს მოქმედი ოპერატორებისთვის ტექნიკური პრობლემების შექმნა.

კოლაიცია გამოთქვამს მზადყოფნას, აქტიურად ჩაერთოს მაგითიკომისა და პალიტრა TV -ს მოლაპარაკებებში და შეასრულოს მედიატორის როლი.
კოალიცია „მედიის ადვოკატირებისთვის“ წევრები:

ინფორმაციის თავისუფლების განვითარების ინსტიტუტი (IDFI)

საქართველოს ახალგაზრდა იურისტთა ასოციაცია (საია);
საქართველოს რეგიონულ მაუწყებელთა ასოციაცია (GARB);
საქართველოს ჟურნალისტური ეთიკის ქარტია;
ფონდი „ღია საზოგადოება საქართველო“;
რეგიონულ მაუწყებელთა ქსელი;
რეგიონული მედიის ასოციაცია;
მედიაკლუბი;
არასამთავრობო ორგანიზაცია „სამოქალაქო საზოგადოებისათვის“
ლევან მიქელაძის სახელობის ფონდი;
სამოქალაქო განვითარების ინსტიტუტი