2016 წლის 8 თებერვალს შავი ზღვის საერთაშორისო უნივერსიტეტში ინფორმაციის თავისუფლების განვითარების ინსტიტუტის ორგანიზებით გაიმართება სალექციო კურსი. სალექციო კურსი ტარდება პროექტ „სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება“-ს ფარგლებში. პროექტი ხორციელდება ინფორმაციის თავისუფლების განვითარების ინსტიტუტის (IDFI) მიერ ბრემენის უნივერსიტეტთან პარტნიორობით და გერმანიის საგარეო საქმეთა სამინისტროს დაფინანსებით.

პირველი ლექცია დაეთმობა „საქართველოს სოციალურ ეკონომიკური განვითარების სტრატეგია - საქართველო 2020“-ის შექმნის პროცესის განხილვას. ლექციას გაუძღვება IDFI-ს პროექტის კოორდინატორი - საბა ბუაძე. მეორე ლექციის განსახილველი თემა იქნება კონკურენციის რეგულირების პროცესი საქართველოს სატელეკომუნიკაციო სფეროში. ლექციას გაუძღვება IDFI-ს მედიისა და ტელეკომუნიკაციის მიმართულების ხელმძღვანელი - უჩა სეთური. სალექციო კურსი გაგრძელდება სამი საათის განმავლობაში.

სალექციო კურსში მონაწილე სტუდენტებს გადაეცემათ IDFI-ს, ბრემენის უნივერსიტეტისა და IBSU-ს ერთობლივი სერტიფიკატი. გამორჩეული სტუდენტები ასევე დაჯილდოვდებიან ქართულენოვანი სამეცნიერო ლიტერატურით.

ლექცია გაიმართება 8 თებერვალს, 14:00 საათზე.

დაინტერესების შემთხვევაში, გთხოვთ, დარეგისტრირდეთ მისამართზე: georgia2020@idfi.ge. გთხოვთ, აღნიშნულ მეილზე გამოგზავნოთ შემდეგი ინფორმაცია: სახელი, გვარი, სასწავლებელი, ფაკულტეტი, სპეციალობა, სემესტრი, ელექტრონული ფოსტის მისამართი და მობილური ტელეფონის ნომერი. რეგისტრაციის ბოლო ვადაა 30 იანვარი.