სალექციო ბლოკ-კურსი თბილისის სახელმწიფო უნივერსიტეტში

სიახლეები 11 ნოემბერი 2015

9 და 10 ნოემბერს, IDFI-ს ორგანიზებით ივანე ჯავახიშვილის სახელობის თბილისის სახელმწიფო უნივერსიტეტში გაიმართა სალექციო ბლოკ-კურსი “ფინანსური აღრიცხვა და ინვესტიციები”. ღონისძიება ჩატარდა პროექტ “სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება”-ს ფარგლებში. პროექტი ხორციელდება IDFI-ს მიერ ბრემენის უნივერსიტეტთან პარტნიორობით და გერმანიის საგარეო საქმეთა სამინისტროს დაფინანსებით.

 

ბლოკ-კურსს უძღვებოდა ბრემენის უნივერსიტეტის მკვლევარი - სებასტიან ტიდემანი. სალექციო ბლოკ-კურსის პირველ დღეს მკვლევარმა განიხილა საერთაშორისო ფინანსური ანგარიშგების სტანდარტები (IFRS) და იმსჯელა IFRS-ის დანერგვის უპირატესობებსა და შეზღუდვებზე. გერმანიიდან მოწვეულმა მკვლევარმა თბილისის სახელმწიფო უნივერსიტეტის 30-მდე სტუდენტს გაუზიარა საერთაშორისო გამოცდილება ფინანსური ანგარიშგების სტანდარტებთან დაკავშირებით და გააცნო სტუდენტებს IFRS-ის გლობალური დანერგვის და გავრცელების ტენდენციები. ლექციის მიმდინარეობისას სტუდენტებს ევალებოდათ რამდენიმე დავალების შესრულება, ასევე ჰქონდათ შესაძლებლობა ჩართულიყვნენ ლექციის მიმდინარეობისას გამართულ დისკუსიაში.

 

სალექციო ბლოკ-კურსის მეორე დღეს სებასტიან ტიდემანმა ისაუბრა პირდაპირი უცხოური ინვესტიციების სარგებლის თავისებურებებზე და მნიშვნელობაზე ქვეყნის ეკონომიკური განვითარებისთვის. ტიდემანმა ასევე განიხილა საერთაშორისო ვაჭრობის ხელშემწყობი პირობები, ინვესტიციების დივერსიფიკაციის უპირატესობები და ამასთანავე ისაუბრა ინვესტიციებისა და საერთაშორისო ვაჭრობის ურთიერთმიმართებაზე.

 

ბლოკ-კურსის ბოლო ნაწილში გერმანელმა მკვლევარმა ქართველ სტუდენტებს გააცნო ბიზნეს ანალიზისა და ფინანსური ანალიზის თავისებურებები და მნიშვნელობა, რის შემდეგაც სტუდენტებმა ახალგაზრდა მკვლევართან ერთად განიხილეს ბიზნეს ანალიზის და ფინანსური ანალიზის რამდენიმე ქეისი. 


ორდღიანი ლექციების სერიის შემდეგ, ღონისძიებაში მონაწილე სტუდენტებს გადაეცა IDFI-ს, ბრემენის და ივანე ჯავახიშვილის სახელობის თბილისის სახელმწიფო უნივერსიტეტების ერთობლივი სერტიფიკატი. ასევე, აქტიურ სტუდენტებს საჩუქრად გადაეცათ სახელმძღვანელოები.

სხვა მასალები ამ თემაზე
სიახლეები

„რუსული კანონის“ საქმეზე სტრასბურგის სასამართლოში არასამთავრობო და მედია ორგანიზაციებმა წერილობითი კომუნიკაცია წარადგინეს

23.09.2025

,,ქართულმა ოცნებამ“ სამოქალაქო საზოგადოების რეპრესიების ახალი ეტაპი 30-მდე ქართული არასამთავრობო ორგანიზაციის წინააღმდეგ დაიწყო

22.09.2025

ყადაღებისა და რეპრესიების მიუხედავად ქართული არასამთავრობო ორგანიზაციები საქმიანობას გავაგრძელებთ

27.08.2025

საქართველოს ნავთობის ბაზარი და მსოფლიო აშშ-ს ტარიფების მოლოდინში

11.08.2025
განცხადებები

„რუსული კანონის“ საქმეზე სტრასბურგის სასამართლოში არასამთავრობო და მედია ორგანიზაციებმა წერილობითი კომუნიკაცია წარადგინეს

23.09.2025

ყადაღებისა და რეპრესიების მიუხედავად ქართული არასამთავრობო ორგანიზაციები საქმიანობას გავაგრძელებთ

27.08.2025

უვიზო მიმოსვლისათვის საფრთხის შექმნაზე პასუხისმგებელი სრულად ივანიშვილის ხელისუფლებაა

16.07.2025

„საერთო სასამართლოების შესახებ” საქართველოს ორგანულ კანონში შეტანილი ცვლილებები სასამართლო სისტემის საზოგადოებისადმი ანგარიშვალდებულებას სრულად გამორიცხავს

27.06.2025
ბლოგპოსტები

ვიზალიბერალიზაციის გავლენა საქართველოს მოსახლეობის კეთილდღეობაზე

05.05.2025

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024