ჟურნალისტები და აქტივისტები დემოკრატიული მმართველობისთვის - ანალიტიკური სტატიების კონკურსი დასრულდა და გამოვლინდა გამარჯვებულები.

I ადგილი (300 დოლარი) - ნინო კვინტრაძე - სოციალური დახმარებები VS არჩევნები

II ადგილი (200 დოლარი) - მარიკა დუდუნია - ლიფტების მონტაჟისთვის გამართული საეჭვო ტენდერები ბოლნისში

III ადგილი (150 დოლარი) - ანა გოგოლაძე - საპენსიო სააგენტოს საქმიანობისა და ადმინისტრაციული ხარჯების მიმოხილვა

კონკურსის მიზანი იყო ჟურნალისტებისა და სამოქალაქო აქტივისტების მიერ ხელისუფლების საქმიანობის კონტროლის წახალისება.

„მონაწილეებს შესაძლებლობა ჰქონდათ ეკვლიათ საქართველოს საჯარო სექტორში არსებულ შესაძლო გადაცდომები და საეჭვო გარემოებები და შესაბამისად წარედგინათ ნამუშევრები. მოხარულები ვართ, რომ ეს თემა საინტერესო აღმოჩნდა ბევრი ადამიანისთვის და კონკურსით წავახალისეთ ანალიტიკური სტატიების მომზადება“ - აღნიშნა IDFI-ის მედია, ინტერნეტი და ტელეკომუნიკაციების პროგრამის ხელმძღვანელმა თეონა ტურაშვილმა.

კონკურსში მონაწილეობა 20 მა ადამიანმა მიიღო. გამარჯვებული სტატიები გამოქვეყნდება IDFI-ის ვებ (www.IDFI.ge)  და სოციალურ (Facebooks; Twitter ) გვერდებზე საავტორო უფლებების დაცვით. 

კონკურსი ინფორმაციის თავისუფლების განვითარების ინსტიტუტი (IDFI) ორგანიზებითა და გლობალური საქველმოქმედო ორგანიზაციის, Luminate-ის ფინანსური მხარდაჭერით გაიმართა.