29-31 ივლისს „ინფორმაციის თავისუფლების განვითარების ინსტიტუტი“ (IDFI), შინდისში, სასტუმრო „სოფლის სახლში“ მასპინძლობს საერთაშორისო კონფერენციას, რომელიც მიძღვნილია ინფორმაციის თავისუფლების თემატიკისადმი.
კონფერენციის ორგანიზატორია ჯორჯ ვაშინგტონის უნივერსიტეტთან არსებული ეროვნული უსაფრთხოების არქივი (The National Security Archive). კონფერენცია დაფინანსებულია კარნეგის ფონდის მიერ.
ინფორმაციის თავისუფლების საკითხებისადმი მიძღვნილი საერთაშორისო კონფერენცია საქართველოში მეორედ იმართება. პირველი კონფერენცია 2009 წლის მაისში მოეწყო თელავში: http://www.freedominfo.org/2009/05/caucasus-foi-advocates-discuss-common-problems-and-plan-cooperation/
2010 წელს ინფორმაციის თავისუფლების რეგიონული კოალიციის ფარგლებში საერთაშორისო კონფერენცია გაიმართა სომხეთში, აღრევანში: http://www.idfi.ge/?cat=news&topic=53&lang=ka
კონფერენციაზე ინფორმაციის თავისუფლების საკითხებზე მომუშავე არასამთავრობო და ადამიანის უფლებების დამცველი ორგანიზაციების წარმომადგენლები, ჟურნალისტები და ადვოკატები საქართველოდან, სომხეთიდან, აზერბაიჯანიდან, აშშ-დან, რუსეთის ფედერაციიდან, უკრაინიდან, ბულგარეთიდან, ყაზახეთიდან განიხილავენ ინფორმაციის თავისუფლების სფეროში არსებულ საერთო პრობლემებსა და მიღწევებს.
კონფერენციის განრიგი შეგიძლიათ იხილოთ შემდეგ ბმულში:
სიახლეების გამოწერა
