2022 წლის 21 სექტემბერს, ინფორმაციის თავისუფლების განვითარების ინსტიტუტმა (IDFI), პროექტის „საჯარო და კერძო სექტორებს შორის დიალოგის ხელშეწყობა საქართველოში მონიტორინგისა და ცნობიერების ამაღლების გზით“ ფარგლებში, გამართა საინფორმაციო შეხვედრა ქუთაისის საკრებულოს წარმომადგენლებთან.

შეხვედრის მონაწილეებს მისასალმებელი სიტყვით მიმართეს, ქალაქ ქუთაისის მუნიციპალიტეტის საკრებულოს თავმჯდომარემ, ირაკლი შენგელიამ, IDFI-ს ეკონომიკური და სოციალური პოლიტიკის მიმართულების ხელმძღვანელმა, მიხეილ კუკავამდა USAID-ის ეკონომიკური მმართველობის პროგრამის ხელმძღვანელის მოადგილემ, ნინო ჩოხელმა.

შეხვედრაში მონაწილეობდნენ საკრებულოს წევრები პარტიებიდან „ქართული ოცნება-დემოკრატიული საქართველო“ და „ერთანი ნაციონალური მოძრაობა“, ასევე, საკრებულოს აპარატის წარმომადგენლები.

შეხვედრის დასაწყისში IDFI-ის წარმომადგენლებმა ისაუბრეს 2021 წლის შეფასებისას გამოვლენილ მიგნებებსა და რეკომენდაციებზე. შეხვედრის მეორე ნაწილში შედგა დისკუსია, საკრებულოს წარმომადგენლებმა ისაუბრეს კერძო სექტორთან თანამშრომლობის გამოცდილებაზე. ქუთაისის საკრებულოს თავმჯდომარემ ისაუბრა საკრებულოს გეგმებზე, რაც გააუმჯობესებს საჯარო-კერძო დიალოგის პროცესს. შეხვედრის მონაწილეებმა იმსჯელეს ნორმატიულ აქტებზე, რომლებიც შეფასდება მიმდინარე წელს, პროექტის ფარგლებში.

პროექტის ფარგლებში, IDFI შეაფასებს მუნიციპალიტეტებში რეგულაციების შემუშავების პროცესში საჯარო-კერძო დიალოგის ხარისხს. გარდა ამისა, პროექტი მიზნად ისახავს შერჩეულ მუნიციპალიტეტებში საკრებულოს წარმომადგენლებისცნობიერების ამაღლებას დიალოგის მნიშვნელობასა და ხარისხის შეფასების მექანიზმის თაობაზე.

საინფორმაციო შეხვედრა USAID-ის ეკონომიკური მმართველობის პროგრამის მხარდაჭერით განხორციელდა.