IDFI-ის (ინფორმაციის თავისუფლების განვითარების ინსტიტუტი) დისკუსიები "აკონტროლე შენი მთავრობა" პროექტის "ახალგაზრდებში მთავრობის გასაკონტროლებლად საჭირო ელ-უნარების განვითარება" ფარგლებში გაიმართა. დისკუსიები მიზნად ისახავს რეგიონის ახალგაზრდების, სამოქალაქო აქტივისტებისა თუ ბლოგერებისთვის ინფორმაციის გაზიარება ადგილობრივ თუ ცენტრალურ ხელისუფლებასთან ეფექტური კომუნიკაციის წარმოების ტექნიკებისა და ადვოკატირების პროექტების მართვის შესახებ. შეხვედრის მონაწილეებს საშუალება ჰქონდათ, გაცნობოდნენ ინფორმაციას საზოგადოებრივი აქტორების მიერ მთავრობაზე გავლენის მექანიზმების, სამოქალაქო აქტივიზმის ძირითადი პრინციპების, მთავრობასა და მოქალაქეს შორის ეფექტური კომუნიკაციის ხერხების თაობაზე. 

შეხვედრის პირველ ნაწილში მონაწილეებმა ჩამოთვალეს მოქმედი აქტორები საზოგაოდებაში. მათ ისაუბრეს თითოეულის გავლენის შესახებ ადგილობრივ თემში და შეაფასეს თითოეული ჩართულობა სოციალურ პროექტებსა და საზოგაოდებრივ ცხოვრებაში. დისკუსიის მეორე ნაწილი დაეთმო ეფექტური კომუნიკაციის მექანიზმებს, რომლის დროსაც პროექტის გუნდის წევრებმა დამსწრე საზოგადოებას მთავრობის კონტროლის IDFI-ისმიერ გამოცდილებაზე ესაუბრა.

ყოველი შეხვედრის ბოლოს მონაწილეებს პრაქტიკულ სავარჯიშოზე მუშაობისას საშუალება ჰქონდათ  თავად დაეგეგმათ შეხვედრა ხელისუფლების წარმომადგენელთან საზოგადოებაში არსებული პრობლემის თაობაზე. 

პროექტის განმავლობაში ჩატარებულმა დისკუსიებმა აჩვენა, რომ რეგიონები ნაკლებად ფლობენ შესაბამის ცოდნას და ინფორმაციას საჯარო უწყებებთან კომუნიკაციისთვისა და უკუკავშირის დამყარებისთვის. ამასთანავე, მოტივირებულ და აქტიურ მოქალაქეებს არ აქვთ მთავრობის საქმიანობის მონიტორინგისთვის საჭირო უნარები. 

დისკუსიები 10 ქალაქის (ახალციხე, ბათუმი, გორი, ზუგდიდი, ოზურგეთი, თელავი, მარნეული, საგარეჯო, ქუთაისი, რუსთავი) დემოკრატიული ჩართულობის ცენტრებში გაიმართა. შეხვედრებს სამოქალაქო საზოგადოების ორგანიზაციის 100-მდე წარმომადგენელი და სტუდენტი დაესწრო. 

პროექტი „ახალგაზრდებში მთავრობის გასაკონტროლებლად საჭირო ელ-უნარების განვითარება“ ხორციელდება საქართველოში აშშ-ის საელჩოს ფინანსური მხარდაჭერით.