2020 წლის მარტში საქართველოს მთავრობის ინიციატივით ადამიანის უფლებათა დაცვის ახალი სტრატეგიის შემუშავების პროცესი დაიწყო. ამ ინიციატივის ფარგლებში, „ინფორმაციის თავისუფლების განვითარების ინსტიტუტმა“ მთავრობას წარუდგინა მოსაზრებები და რეკომენდაციები  იმ ძირითად მიმართულებებსა და ამოცანებთან დაკავშირებით, რაც ახალი სტრატეგიის ნაწილი უნდა იყოს.

ადამიანის უფლებათა დაცვის ეროვნული სტრატეგია განსაზღვრავს საქართველოს ხელისუფლების გრძელვადიან პრიორიტეტებსა და ამოცანებს, რამაც უნდა უზრუნველყოს ადამიანის უფლებებზე დაფუძნებული პოლიტიკის წარმართვა და კანონის უზენაესობის განმტკიცება. სტრატეგიის გრძელვადიანი ხასიათიდან გამომდინარე, ის უნდა მოიცავდეს ადამიანის უფლებათა განმტკიცების ფართო ხედვას, რომელიც რეალურ და ხელშესახებ შედეგებს გამოიწვევს კონსტიტუციური პრინციპების პრაქტიკაში რეალიზების პროცესში.

IDFI-ს მოსაზრებები და რეკომენდაციები შემდეგ საკვანძო და აქტუალურ საკითხებს ეხება:

1)     სამართლიანი სასამართლოს უფლება;

2)     გამოხატვის თავისუფლება/ინფორმაციის ხელმისაწვდომობა;

3)     პირადი ცხოვრების ხელშეუხებლობა;

4)     პროკურატურის დამოუკიდებლობა;

5)     თანასწორობის უფლება;

6)     ქალთა მიმართ და ოჯახში ძალადობის წინააღმდეგ ბრძოლა.

„ინფორმაციის თავისუფლების განვითარების ინსტიტუტის“ მოსაზრებები ადამიანის უფლებათა დაცვის სტრატეგიასთან დაკავშირებით

/public/upload/Blogs/IDFIs-Recommendations.pdf

მოცემული მასალის/გამოცემის მომზადება დაფინანსებულია შვედეთის საერთაშორისო განვითარების თანამშრომლობის სააგენტოს, Sida-ს მიერ. შინაარსზე პასუხისმგებლობა სრულად ეკისრება მის შემქმნელს. Sida შესაძლოა არ იზიარებდეს გამოთქმულ ხედვებსა და ინტერპრეტაციებს.