IDFI-ს ანალიტიკოსმა, თამარ იაკობიძემ ოზურგეთის მუნიციპალიტეტის საკრებულოსა და გამგეობის თანამშრომლებისთვის ელექტრონული ჩართულობის შესახებ ორდღიანი ტრენინგი ჩაატარა.

ტრენინგი პროექტის “მართე სახლიდან” ფარგლებში გაიმართა, რომელსაც გურიის ახალგაზრდული რესურსცენტრი ევრაზიის თანამშრომლობის ფონდის ფინანსური მხარდაჭერით და ოზურგეთის მუნიციპალიტეტის საკრებულოსთან პარტნიორობით ახორციელებს .

ტრენინგის მიზანი იყო ელექტრონული მმართველობის შესახებ რელევანტური ინფორმაციის მიღება და მის დასანერგად საჭირო სხვადასხვა მექანიზმების განხილვა, რაც შემდგომში შესაძლებელს გახდის:

• ელექტრონული მმართველობის პრინციპების დანერგვას
• ელექტრონული ანგარიშვალდებულების და გამჭვირვალეობის მექანიზმების დანერგვას
•ვებ რესურსის შექმნას, რომელიც უზრუნველყოფს საკრებულოს სხდომების ონლაინ რეჟიმში ტრანსლირებას
• საზოგადოების ჩართულობის უზრუნველყოფას ციფრული ტექნოლოგიების გამოყენებით
• საკრებულოს მიერ საზოგადოების ონლაინ ჩართულობის მექანიზმების შემუშავებას

თამარმა ტრენინგის განმავლობაში ისაუბრა კარგი მმართველობის მისაღწევად სამოქალაქო ჩართულობის მნიშვნელობაზე, განიხილა სამოქალაქო ჩართულობის კომპონენტები, ხაზი გაუსვა ინფორმაციის თავისუფლების როლს გადაწყვეტილების მიღების პროცესში ჩართულობისთვის. თამარმა განსაკუთრებული ყურადღება გაამახვილა ოზურგეთის მუნიციპალიტეტში არსებული ჩართულობის მექანიზმების გააზრებაზე და დიდი დრო დაუთმო მათი სუსტი თუ ძლიერი მხარეების განხილვას.

უნდა აღინიშნოს, რომ IDFI წლებია ელ.ჩართულობის და ელ.მმართველობის საკითხებზე მუშაობს. ორგანიზაციას აღნიშნულ თემაზე ჩატარებული აქვს არაერთი ტრენინგი, ხოლო 2014 წლის სექტემბერში IDFI-ს მოამზადა და გამოაქვეყნა ელ. ჩართულობის სახელმძღვანელო