IDFI-მ ხორვატიაში გამართულ საერთაშორისო საარქივო კონფერენციაში მიიღო მონაწილეობა

სიახლეები | მეხსიერების და დეზინფორმაციის კვლევები | პუბლიკაციები | სტატია | რეგიონული და გლობალური საქმიანობა 15 აპრილი 2018

პროექტის – ყოფილ საბჭოთა რესპუბლიკებში სახელმწიფო არქივების ღიაობა კოორდინატორი ანტონ ვაჭარაძე მონაწილეობდა ხორვატიაში გამართულ საერთაშორისო კონფერენციაში (ICARUS-ის რიგით მეოთხე დღეები და EURBICA კონფერენცია). ღონისძიების სათაური იყო „ევროპული საარქივო ლანდშაფტი: ახალი ჰორიზონტების მიღწევა“.


ღონისძიება გაიმართა არქივების საერთაშორისო საბჭოს (ICA) ეგიდით და შედიოდა ორგანიზაციის 2018 წლის ოფიციალურ კალენდარში (https://www.ica.org/en/events). პროექტის ორგანიზატორები იყვნენ: კონსორციუმი ICARUS (საარქივო კვლევების საერთაშორისო ცენტრი), ქალაქ სპლიტის სახელმწიფო არქივი და EURBICA (ICA-ის ევროპის რეგიონული ფილიალი). მონაწილეები წარმოადგენდნენ საერთაშორისო ორგანიზაციებს, ევროპული ქვეყნების ეროვნულ არქივებს და მუზეუმებს, უნივერსიტეტებსა და სხვა აკადემიურ დაწესებულებებს.


ღონისძიება ოფიციალურ ნაწილთან ერთად საშუალებას იძლეოდა არქივისტებს ერთმანეთში დაემყარებინათ პროფესიული კავშირები, აგრეთვე მონაწილეებს მიეცათ ადგილობრივ საარქივო დაწესებულებებში ვიზიტის შესაძლებლობა. საარქივო სფეროს ძირითადმა ევროპელმა წარმომადგენლებმა აქტიურად განიხილეს მიმდინარე და სამომავლო თანამშრომლობის პერსპექტივები.


კონფერენციაზე წარმოდგენილ და განხილულ მთავარ თემებს შორის იყო ღონისძიებები, რომლებიც აუცილებელია არქივების დაცვის, აღრიცხვის და გაციფრულების კუთხით; მიმდინარე საარქივო პროექტები და პროგრამები ევროპის მასშტაბით და არქივებსა და კერძო ორგანიზაციებს შორის ურთიერთთანამშრომლობა. პრეზენტაციებმა და დისკუსიებმა მოიცვა ყველა ის ძირითადი პრობლემა და გამოწვევა, რომელსაც არქივები, საარქივო პროექტები და ცალკეული მეცნიერები აწყდებიან.


პროექტი – ყოფილ საბჭოთა რესპუბლიკებში სახელმწიფო არქივების ღიაობა ეხება იმ მთავარ პრობლემებს, რომლებსაც მკვლევრები / მოქალაქეები აწყდებიან არქივების გამოყენებისას. ეს პრობლემები გავლენას ახდენენ თანამედროვე საზოგადოებების წინაშე არსებულ უფრო ფართო გამოწვევებზე, რომლებიც უკავშირდება გამჭვირვალობას, ინფორმაციის თავისუფლებას, ადამიანის უფლებებსა და საბჭოთა ტოტალიტარული რეჟიმის მსხვერპლთა რეაბილიტაციას.


კონფერენციაზე ანტონ ვაჭარაძემ წარადგინა და განიხილა პროექტის ფარგლებში შექმნილი სახელმწიფო არქივების შეფასების უნიკალური მეთოდოლოგია, რომელსაც არ აქვს ანალოგი პოსტსაბჭოთა ქვეყნებში. ანტონ ვაჭარაძის გამოსვლას ესწრებოდნენ სფეროს მთავარი ევროპელი წარმომადგენლები: ICA-ს წარმომადგენელი დებორა ჯენკინსი, ICARUS-ის პრეზიდენტი ტომას აიგნერი, მალტის მთავარი არქივისტი ჩარლზ ფურუჯია, რომელიც არჩეულია ICA-ს პრეზიდენტად 2019-2020 წლებში, და სხვა მრავალი ქვეყნის არქივისტი და სფეროში მოღვაწე პირი. ყველა ეს ადამიანი გაეცნო IDFI-ის პროექტს და გამოთქვა ორგანიზაციასთან თანამშრომლობის ინტერესი.

სხვა მასალები ამ თემაზე
სიახლეები

ადამიანის უფლებათა ევროპულმა სასამართლომ “რუსულ კანონთან” დაკავშირებით არასამთავრობო და მედია ორგანიზაციების საჩივარის განხილვა დაიწყო

27.03.2025

ევროპის საბჭოს ადამიანის უფლებათა კომისრის მემორანდუმის მიმოხილვა საქართველოში ადამიანის უფლებების მდგომარეობის შესახებ

27.03.2025

ივანიშვილის ფარა ქართული მედია და არასამთავრობო ორგანიზაციების წინააღმდეგ

24.03.2025

კოალიციის განცხადება საზოგადოებრივი მაუწყებლის სამეურვეო საბჭოს მიერ დამოუკიდებელი ჟურნალისტების დევნის შესახებ

23.03.2025
განცხადებები

მედია კოალიცია რეგიონული მედიის საქმიანობის შეზღუდვის ფაქტებს ეხმიანება

28.02.2025

მედიის ადვოკატირების კოალიციის განცხადება ტვ პირველის ოპერატორის უკანონო დაკავებასთან დაკავშირებით

19.02.2025

ქართული ოცნება მსხვერპლების კრიმინალიზებას ეწევა

13.02.2025

IDFI-ის განცხადება ორგანიზაციის აღმასრულებელი დირექტორის უკანონოდ დაჯარიმების შესახებ

12.02.2025
ბლოგპოსტები

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024

ინტერმუნიციპალური საქმიანობის გაძლიერება საქართველოში

21.10.2024

საგზაო-სატრანსპორტო შემთხვევების პრევენციის ინსტიტუციური მექანიზმები

21.10.2024