2020 წლის 2 ივნისს, „ინფორმაციის თავისუფლების განვითარების ინსტიტუტმა” უნივერსალური პერიოდული მიმოხილვის მესამე ციკლის ფარგლებში გაერთიანებული ერების ორგანიზაციის ადამიანის უფლებათა საბჭოს ანგარიში წარუდგინა. ანგარიში შეეხება ისეთ საკვანძო და აქტუალურ საკითხებს, როგორიც არის:
1) მართლმსაჯულება და სამართლიანი სასამართლოს უფლება;
2) გამოხატვის თავისუფლება/ინფორმაციის ხელმისაწვდომობა;
3) პირადი ცხოვრების ხელშეუხებლობა.
ანგარიშში განხილულია სამართლებრივი ჩარჩოს და ადამიანის უფლებების დაცვის თვალსაზრისით არსებული მდგომარეობა და წარმოდგენილია კონკრეტული რეკომენდაციები, რომელთა შესრულება არსებითად მნიშვნელოვანია ქვეყანაში ადამიანის უფლებათა სტანდარტის გაუმჯობესებისთვის.
გაერთიანებული ერების ორგანიზაციის მიერ დაფუძნებული უნივერსალური პერიოდული მიმოხილვა არის მნიშვნელოვანი მექანიზმი, რომელიც მიზნად ისახავს ყველა წევრ სახელმწიფოშიადამიანის უფლებათა მდგომარეობის გაუმჯობესებას. მესამე ციკლის ფარგლებში საქართველო გაეროს ადამიანის უფლებათა საბჭოს წინაშე 2021 წელს წარსდგება.მიმოხილვა სხვა წყაროებთან ერთად დაეყრდნობა არასამთავრობო ორგანიზაციების მიერ წარდგენილ ანგარიშებში მითითებულ ინფორმაციას.
/public/upload/Sida/IDFI-submission.pdf
მოცემული მასალის მომზადება დაფინანსებულია შვედეთის საერთაშორისო განვითარების თანამშრომლობის სააგენტოს, Sida-ს მიერ. შინაარსზე პასუხისმგებლობა სრულად ეკისრება მის შემქმნელს. Sida შესაძლოა არ იზიარებდეს გამოთქმულ ხედვებსა და ინტერპრეტაციებს.
ინტერვიუ ისტორიკოს გიორგი მამულიასთან
07.03.2025
სიახლეების გამოწერა
