ინფორმაციის თავისუფლების განვითარების ინსტიტუტი (IDFI) გიწვევთ ონლაინ კონფერენციაზე - ადგილობრივ დონეზე კარგი მმართველობის პრინციპების გაძლიერება

თარიღი: დეკემბერი 18, 2020

დრო: 13:00-18:00

ადგილი: Zoom, live stream IDFI-ს Facebook გვერდზე

კონფერენციის მიზანია ადგილობრივ დონეზე გამჭვირვალობის, მმართველობის ხარისხის, მუნიციპალური სერვისების მიწოდებისა და მოქალაქეთა ჩართულობის კუთხით არსებული გამოწვევების, დაგეგმილი რეფორმების, საჭირო ინტერვენციებისა და ინოვაციური მიდგომების განხილვა. ამ მიზნით, ღონისძიებაზე იგეგმება ადგილობრივი თვითმმართველობის საკითხებზე მომუშავე ორგანიზაციების, ექსპერტების, დონორებისა და ადგილობრივი, ასევე, ცენტრალური, ხელისუფლების წარმომადგენლების ჩართულობით გაიმართოს დისკუსიები ისეთ საკითხებზე, როგორიცაა:

- ადგილობრივი თვითმმართველობის რეფორმა / დეცენტრალიზაციის სტრატეგია

- გამჭვირვალობა და ანგარიშვალდებულება

- მუნიციპალური სერვისების მიწოდების ხარისხი

- მოქალაქეთა ჩართულობა და ანგარიშვალდებულება

კონფერენცია იმართება გლობალური საქველმოქმედო ორგანიზაცია Luminate-ის ფინანსური მხარდაჭერით.

სამუშაო ენა: ქართული

უზრუნველყოფილი იქნება სინქრონული ინგლისური თარგმანი.

გთხოვთ, რეგისტრაცია გაიაროთ (არაუგვიანეს 2020 წლის 17 დეკემბრისა) შემდეგ ბმულზე. კონფერენციაზე მონაწილეობის მისაღებად რეგისტრაციის გავლა სავალდებულოა.რეგისტრაციის გავლის შემდეგ მიიღებთ კონფერენციის ბმულს.

კონფერენციის პროგრამა

/public/upload/Article/ProgramFinal18.12.20.pdf