ინფორმაციის თავისუფლების მხარდამჭერთა ქსელი (FOIAnet) არის ინფორმაციის გაცვლის საერთაშორისო ქსელი, რომლის წევრი ორგანიზაციები და ინდივიდები ცდილობენ დაამკვიდრონ და დაიცვან ინფორმაციის ხელმისაწვდომობის უფლება.

FOIAnet-ი შეიქმნა ინფორმაციის თავისუფლების საკითხებზე მომუშავე ეროვნული და საერთაშორისო არასამთავრობო და სამოქალაქო საზოგადოების ორგანიზაციების წარმომადგენლების მიერ 2002 წლის 28 სექტემბერს სოფიაში გამართულ ღონისძიებაზე. მას შემდეგ, ქსელი გაფართოვდა და ამჟამად მოიცავს 240-ზე მეტ ორგანიზაციასა და 700-ზე მეტ კერძო პირს.

FOIAnet-ი მართავს სპეციალურ სადისკუსიო სიას, რომლის საშუალებითაც მისი წევრები იგებენ ახალ ამბებს და მართავენ დისკუსიებს ინფორმაციის ხელმისაწვდომობის უფლებასთან დაკავშირებით. ამ სიაში ამჟამად 815-ზე მეტი ადამიანია, მათ შორის სამოქალაქო საზოგადოების წარმომადგენლები, იურისტები, აკადემიური წრეების წარმომადგენლები, ინფორმაციის კომისიონერები და საკითხით დაინტერესებული სხვა პირები. ქსელის ინიციატივით ყოველი წლის 28 სექტემბერს აღინიშნება ცოდნის უფლების საერთაშორისო დღე.

„ინფორმაციის თავისუფლების განვითარების ინსტიტუტი“ (IDFI), როგორც ინფორმაციაზე ხელმისაწვდომობის უფლების აქტიური მხარდამჭერი, FOIAnet- ის წევრი 2010 წლიდან არის.