საქართველოს პარლამენტს,
ჩვენ, საზოგადოებრივი ორგანიზაციები და გაერთიანებები მოგმართავთ წინადადებით, საქართველოს სახალხო დამცველის პოზიციაზე წარადგინოთ და აირჩიოთ თამარ გურჩიანი. თამარ გურჩიანი არის მაღალი კვალიფიკაციის სამართალმცოდნე და აქვს ადამიანის უფლებების დაცვის სფეროში მუშაობის გამოცდილება. კერძოდ, მრავალი წლის განმავლობაში იგი მონაწილეობდა მედიის თავისუფლების, ხელისუფლების გამჭვირვალობისა და კარგი მმართველობის და სამართლიან არჩევნებთან დაკავშირებულ ადგილობრივ, რეგიონულ და საერთაშორისო პროექტებში. გარდა პროფესიული გამოცდილებისა, ჩვენი შეფასებით, თამარს აქვს სახალხო დამცველისთვის აუცილებელი პიროვნული თვისებები: იგი არის სამართლიანი, პრინციპული პოლიტიკურად მიუკერძოებელი, აქვს სამოქალაქო გამბედაობა და პასუხისმგებლობა. ის გამოირჩევა თანამშრომლობის, კოლეგების აზრის გათვალისწინებისა და შეთანხმების მიღწევის უნარებით. დარწმუნებულები ვართ, რომ თამარ გურჩიანი, როგორც სახალხო დამცველი, იქნება პროდუქტიული, რადგან ის კარგად ერკვევა სოციალურ, კულტურულ, ეკონომიკურ, სამოქალაქო და პოლიტიკურ პრობლემებში და მგრძნობიარე ყველა საზოგადოებრივი ჯგუფის მიმართ.
თამარ გურჩიანის ავტობიოგრაფია: http://goo.gl/3lMvU
სიახლეების გამოწერა
