13 მაისს ინფორმაციის თავისუფლების განვითარების ინსტიტუტსა (IDFI) და შავი ზღვის საერთაშორისო უნივერსიტეტს (IBSU) შორის მემორანდუმი გაფორმდა.
აღნიშნული მემორანდუმის მიხედვით, რომელსაც ხელი მოაწერა ინფორმაციის თავისუფლების განვითარების ინსტიტუტის (IDFI) გამგეობის თავმჯდომარემ, ლევან ავალიშვილმა და შავი ზღვის საერთაშორისო უნივერსიტეტის რექტორმა ილიას ჩილოღლუმ, მხარეები შეთანხმდნენ, რომ IDFI და უნივერსიტეტის სოციალურ მეცნიერებათა ფაკულტეტი ითანამშრომლებს ორგანიზაციასთან საგანმანათლებლო პროგრამების განვითარების მიზნით.
მემორანდუმის ფარგლებში, რომელიც ძალაში შევიდა ხელმოწერის მომენტიდან და მოქმედებს 1 წლის ვადით, ერთი მხრივ უნივერსიტეტი იღებს ვალდებულებას გამოყოს საკონფერენციო დარბაზები, ოთახები და სხვა ტექნიკური რესურსები, ხოლო IDFI ფაკულტეტის გამორჩეული სტუდენტების ჩართვას უზრუნველყოფს ორგანიზაციის სტაჟირების პროგრამის ფარგლებში და მის მიერ ორგანიზებული ღონისძიებების შესახებ ინფორმაციის მუდმივ ხელმისაწვდომობას.
IDFI-ის გამგეობის თავმჯდომარემ, ლევან ავალიშვილმა მემორანდუმის გაფორმების ცერემონიაზე ორგანიზაციის საქმიანობაზე ისაუბრა და წარადგინა რამდენიმე პროექტი, რომელიც IDFI-ის მიერ ხორციელდება და რომელშიც სტუდენტები სამომავლოდ თანამშრომლობას შეძლებენ.
ილიას ჩილოღლუმ ხაზგასმით აღნიშნა, რომ ფაკულტეტზე მრავლად არიან უცხოელი სტუდენტები, რომლებსაც სწავლის პარალელურად დასაქმება ხშირად უჭირთ ენობრივი ბარიერის გამო. გამომდინარე იქიდან, რომ IDFI ხშირად ახორციელებს საერთაშორისო პროექტებს, უცხოელი სტუდენტებისთვის, კომფორტული და ასევე სასარგებლოც იქნება მათში მონაწილეობა.
შეხვედრას ესწრებოდნენ IDFI-გამგეობის თავმჯდომარე ლევან ავალიშვილი, IDFI-ის ანალიტიკოსი და შავი ზღვის საერთაშორისო უნივერსიტეტის მოწვეული ლექტორი, თამარ იაკობიძე, უნივერსიტეტის რექტორი ილიას ჩილოღლუ და სოციალურ მეცნიერებათა ფაკულტეტის წარმომადგენლები.
მედიის ადვოკატირების კოალიციის განცხადება
03.06.2025მედიის ადვოკატირების კოალიციის განცხადება
23.05.2025
სიახლეების გამოწერა
