როგორ გაიზრდება პარლამენტის ბიუჯეტი

სიახლეები | კვლევები | ანალიზი 21 მაისი 2014

მედიაში გავრცელებული უახლოესი ცნობების მიხედვით საქართველოს პარლამენტის ბიუჯეტი მომავალი წლისათვის 54 მილიონ 695 ათასი ლარი იქნება, რაც წლევანდელს დაახლოებით 2 მილიონ ლარით აღემატება. საქართველოს პარლამენტის საფინანსო-საბიუჯეტო კომიტეტის თავმჯდომარის პირველი მოადგილის ნოდარ ებანოიძის განცხადებით, მომავალი წლისათვის ბიუჯეტის გაზრდილი თანხა ძირითად შრომითი ანაზღაურების ზრდას და ავტოპარკის განახლებას მოხმარდება.

საქართველოს პარლამენტის ვებ-გვერდზე პროაქტიულად განთავსებულ და ინსტიტუტისათვის მოწოდებულ დოკუმენტაციაზე დაყრდნობით ჩვენს მიერ ქვემოთ წარმოდგენილი იქნება 2013 წელს საქართველოს პარლამენტის შრომის ანაზღაურებისა და ავტოპარკის შენახვასთან დაკავშირებული ინფორმაცია. ამასთან 2013 წელს პარლამენტის მიერ გაწეული სხვადასხვა ხარჯების შესახებ ინფორმაცია შეგიძლიათ იხილოთ ბმულზე.

როგორც საქართველოს პარლამენტის 2013 წლის ბიუჯეტის შესრულების ანგარიშიდან ირკვევა 2013 წელს შრომის ანაზღაურების ფაქტიურმა ხარჯმა შეადგინა 23 161 127 ლარი. რომელიც გადანაწილდა შემდეგნაირად.

საქართველოს პარლამენტის წევრებს 2013 წლის განმავლობაში პრემიები არ მიუღიათ და შესაბამისად მათი შრომის ანაზღაურებით მიღებული შემოსავლები შეადგენდა მხოლოდ მათ სარგოს (2000 ლარი) დამატებული სადეპუტატო უფლებამოსილების განხორციელებისთვის ყოველთვიური სახელფასო დანამატი.

ამასთან აღსანიშნავია ის ფაქტი, რომ ზემოთ მოყვანილი კომპენსაციისათის გამოყოფილი 1 367 303, 91 ლარი გადაცემულია მხოლოდ პარლამენტის წევრებისათვის ბინის ქირის ასანაზღაურებლად.

საფინანსო - საბიუჯეტო კომიტეტის თავმჯდომარის პირველი მოადგილის შეფასებით საქართველოს პარლამენტის ბიუჯეტის ზრდა განპირობებულია იმ ფაქტით, რომ პარლამენტის აპარატის თანამშრომლების შრომის ანაზღაურება ყველაზე დაბალია საჯარო მოსამსახურეებს შორის.

ჩვენს მიერ ქვემოთ წარმოდგენილი იქნება 2013 წლის 18 იანვარს საქართველოს პარლამენტის თავმჯდომარის ბრძანებით დამტკიცებული პარლამენტის აპარატის საჯარო მოსამსახურეთა თანამდებობრივი სარგოებისა და დანამატების ოდენობის შესახებ ინფორმაცია.

პარლამენტის წევრებისგან განსხვავებით, აპარატის თანამშრომლებზე თანამდებობრივი სარგოებისა და სახელფასო დანამატების გარდა 2013 წლის განმავლობაში დაირიცხა 2 294 516 ლარის პრემია. მიუხედავად იმ ფაქტისა, რომ 2013 წელს აპარატის თანამშრომლებზე გაცემული პრემიების ოდენობა განახევრებულია 2012 წელთან შედარებით (2012 წელს აპარატის თანამშრომლებზე პრემიის სახით გაიცა 4 927 487,8 ლარი) აღნიშნული არ განაპირობებდა თანამშრომელთა შემოსავლების კლებას ვინაიდან წინა წელთან განსხვავებით პარლამენტის თანამშრომლები 2013 წლიდან ყოველთვიურად იღებდნენ დაახლოებით თანამდებობრივი სარგოს ოდენობის დანამატსაც.

როგორც ზემოთ აღვნიშნეთ 2015 წელს გაზრდილი ბიუჯეტის პირობებში იგეგმება აგრეთვე ავტოპარკის განახლება. საქართველოს პარლამენტის ვებ-გვერდზე განთავსებული ინფორმაციის მიხედვით დღეის მდგომარეობითპარლამენტის ბალანსზე იმყოფება 96 ავტომობილი, რომელთა რემონტის ხარჯმა 2013 წელს შეადგინა 278 611,24 ლარი, სათადარიგო ნაწილების შეძენამ - 74 571 ლარი, ხოლო ტექნიკური მომსახურების ხარჯმა - 33 790 ლარი.