ევროპის საბჭო, 2020-2023 წლების სამოქმედო გეგმის ფარგლებში, ახორციელებს პროექტს „მონაწილეობითი დემოკრატიისა და ადამიანის უფლებების გაძლიერება ადგილობრივ დონეზე საქართველოში“. პროექტის უმთავრესი მიზანია მოქალაქეთა ჩართულობისა და ადამიანის უფლებების დაცვის გაძლიერება ადგილობრივ დონეზე.
პროექტი ხელს უწყობს ადგილობრივ ხელისუფლებასა და სამოქალაქო საზოგადოებას შორის თანამშრომლობის ეფექტური მექანიზმების დანერგვას და მიზნად ისახავს მოსახლეობის მონაწილეობის ამაღლებას ადგილობრივი ხელისუფლების საქმიანობაში, კორუფციის წინააღმდეგ ბრძოლას, გენდერული პერსპექტივის გათვალისწინებისა და დისკრიმინაციის ყველა ფორმის აღმოფხვრის მიმართულებით ქმედითი ნაბიჯების გადადგმას.
პროექტის ფარგლებში, IDFI-მ განაახლა სახელმძღვანელო ღია ადგილობრივი მმართველობისა და საჯარო სამსახურში ეთიკის წესების შესახებ. სახელმძღვანელო მოიცავს ინფორმაციას საჯარო სამსახურში ეთიკის წესების, ანგარიშვალდებულების, გამჭვირვალობისა და მოქალაქეთა მონაწილეობის მექანიზმების თაობაზე, მიმოიხილავს შესაბამის ადგილობრივ კანონმდებლობას, ინსტიტუციურ მექანიზმებსა და კარგ პრაქტიკას. სახელმძღვანელო დეტალურად აანალიზებს კორუფციის რისკებს, გამჭვირვალობის პრინციპებსა და სტანდარტებს, მოქალაქეთა მონაწილეობის კუთხით დანერგილ მექანიზმებსა და არსებულ გამოწვევებს ადგილობრივი ხელისუფლების ორგანოების მიმართულებით.
სახელმძღვანელოში აღწერილი მექანიზმები აღწერს მეთოდოლოგიას, რომელიც ხელს შეუწყობს ადგილობრივ და რეგიონულ ორგანოებს კორუფციის რისკების აღმოფხვრისა და კარგი მმართველობის დანერგვის კუთხით.
სიახლეების გამოწერა
