„ინფორმაციის თავისუფლების განვითარების ინსტიტუტის“ (IDFI) დირექტორი გიორგი კლდიაშვილი ღია მმართველობის პარტნიორობის (OGP) და ფორდის ფონდის ორგანიზებით გამართულ სამოქალაქო საზოგადოების ლიდერების შეხვედრაში მიიღებს მონაწილეობას. შეხვედრა 24 სექტემბერს ნიუ იორკში, ფორდის ფონდში გაიმართება.

გიორგი კლდიაშვილის გარდა თოქშოუში მონაწილეობენ ისეთი საერთაშორისო ორგანიზაციის ხელმძღვანელები, როგორიცაა თავად ფორდის ფონდი, CIVICUS, საერთაშორისო გამჭვირვალობა, ბუნებრივი რესურსების მართვის ინსიტიტუტი (NRGI) ოქსფამი (Oxfam International) და Twaweza.

IDFI-ის დირექტორი, რომელიც ამავე დროს ღია მმართველობა საქართველოს ფორუმის თანათავმჯდომარეა, საკუთარი ქვეყნის გამოცდილებაზე ისაუბრებს, იმაზე, თუ რა რეფორმები გატარდა OGP-ის ფარგლებში მთავრობის ღიაობის გაზრდისთვის. ღონისძიების მიზანია ჩამოაყალიბდეს ხედვა თუ როგორ არის შესაძლებელი OGP-ის პლატფორმის უკეთესად გამოყენება სამოქალაქო საზოგადოების მიერ დასახული გეგმების მისაღწევად. თავად პარტნიორობის ოთხწლიან სტრატეგიულ გეგმაშიც დიდი ადგილი უკავია სწორედ სამოქალაქო საზოგადეობის ლიდერი კოალიციების კავშირების გამყარებას და ძალების გერთიანებას, რამაც მნიშვნელოვანი შედეგი უნდა მოიტანოს მთავრობის გამჭვირვალეობისა და ანგარიშვალდებულების გაზრდის თვალსაზრისით. ღონისძიებას ესწრებიან მსოფლიოს ლიდერი არასამთავრობო და საერთაშორისო ორგანიზაციების წარმომადგენლები.

ამავე დღეს, 24 სექტემბერს გაიმართება OGP-ის მაღალი დონის შეხვედრა, რომელიც გაეროს გენერალურ ანსამბლეის ნაწილია. აქ პარტნიორობის ლიდერი ქვეყნების პირველ პირებთან ერთად სიტყვით გამოვა საქართველოს პრემიერ მინისტრი ირაკლი ღარიბაშვილი.