საარჩევნო კამპანიის ხარჯები სივილ ჯორჯია, თბილისი 15 ივნ.'10 – იმ ხუთი პარტიის და ბლოკის საარჩევნო კამპანიისას გამოყენებული სახსრების მთლიანმა მოცულობამ, რომლებმაც თბილისში 30 მაისის ადგილობრივი არჩევნების დროს 5%–იანი ბარიერი გადალახეს, 16 მილიონ ლარამდე შეადგინა.
ამ მთლიანი დანახარჯების 90%-მდე მმართველ პარტიაზე მოდის.
პოლიტიკური პარტიების მიერ ცენტრალურ საარჩევნო კომისიაში წარდგენილი საარჩევნო ფონდების ხარჯთაღრიცხვების თანახმად, ყველაზე ცოტა დანახარჯი, 136 600 ლარი ალიანსი საქართველოსთვის საარჩევნო ბლოკს ქონდა.
კანონის თანახმად, პარტიას ერთი ფიზიკური პირისგან 30 000 ლარზე მეტის, ხოლო იურიდიული პირისგან 100 000 ლარზე მეტი ფულადი შემოწირულობის მიღება არ შეუძლია. ფინანსური დოკუმენტაცია იმ პირებისა და კომპანიების ჩამონათვალსაც შეიცავს, ვინც პარტიებს, თუ საარჩევნო ბლოკებს დაეხმარა.
პარტიების საარჩევნო კამპანიის ხარჯები არა მხოლოდ ფულად შემოწირულობას ასახავს, არამედ იმ არაფულადი შემოწირულობების საბაზრო ღირებულებას, რომელიც დამფინანსებლებმა გაიღეს სხვადასხვა მომსახურეობის გაწევით, მაგალითად საოფისე ფართის უსასყიდლოდ დათმობით, ან სააგიტაციო მასალის უფასოდ დაბეჭვდით. დაწვრილებით იხილეთ:
მედიის ადვოკატირების კოალიციის განცხადება
03.06.2025მედიის ადვოკატირების კოალიციის განცხადება
23.05.2025
სიახლეების გამოწერა
