18 მაისს IDFI-ის მიერ გამოქვეყნებული ინფორმაციის ირგვლივ, რომელიც ეხებოდა რუსეთის ფედერაციის საოკუპაციო ჯარების მიერ, საოკუპაციო ხაზის გადაკვეთის დარღვევისთვის დაკავებულ საქართველოს მოქალაქეებს, მომზადდა 3 სატელევიზიო სიუჟეტი რუსთავი 2-ის, მესტროსა და პირველი არხის მიერ და გამოქვეყნდა არა ერთი სტატია სხვადასხვა ონლაინ გამოცემის ვებგვერდებზე: netgazeti.ge, qartli.ge, frontnews.ge, news.ge, radiomaestro.ge, reportiori.ge.
რუსთავი2 IDFI-ის დირექტორს, გიორგი კლდიაშვილს გაესაუბრა. მისი თქმით, შესაძლოა, იმაზე მეტი ადამიანი იყოს დაკავებული, ვიდრე ოფიციალურ მონაცემებშია დაფიქსირებული.
მაესტროს სიუჟტში IDFI-ის დირექტორი, გიორგი კლდიაშვილი დაწვრილებით საუბრობს იმ მიზეზებზე, რატომაც მოითხოვა ინფორმაციის თავისუფლების განვითარების ინსტიტუტმა დაკავებულთა შესახებ მონაცემები. მაესტრო IDFI-ის წარმომადგენლის გარდა არაერთ რესპონდენტს გაესაუბრა, რომლებიც ადამიანების დაკავებას, საზღვარზე მკაცრი წესების შეუჩვევლობას უკავშირებენ.
რა შეეხება პირველ არხს, მის სიუჟტში ტერიტორიების მიხედვით არის განხილული საზღვრის გადაკვეთის გამო, უკანონოდ დაკავებული ადამიანების რიცხვი.
“IDFI-ისთვის მოწოდებული ინფორმაციის თანახმად, 2013 წელს 2012 წელთან შედარებით აღნიშნული შემთხვევები თითქმის გაორმაგებულია და დაკავებულია 553 პირი, 2014 წელს - 512 პირი, ხოლო 2015 წლის მხოლოდ პირველი კვარტლის განმავლობაში (2015.04.04-მდე) - 139 პირი.” ვკითხულობთ netgazeti.ge-ს სტატიაში.
Qartli.ge განმარტავს, რომ IDFI-ს შინაგან საქმეთა სამინისტროდან რუსეთის ფედერაციის საოკუპაციო ჯარების მიერ საოკუპაციო ხაზის გადაკვეთის დარღვევისთვის დაკავებულ მოქალაქეებზე ინფორმაცია მიღბული აქვს 2013 წელსაც, რომელიც მოიცავდა 2009-2012 წლის მონაცემებს.
Frontnews.ge გვთავაზობს აფხაზეთისა და ცხინვალის რეგიონის ტერიტორიაზე დაკავებულთა მონაცემების შედარებას და მის სტატიაში ნათქვამია, რომ 2009-2015 წლის მონაცემებით, აფხაზეთის საზღვრის მიმართულებით ორჯერ მეტი მოქალაქეა დაკავებული.
„2013 წლიდან მნიშვნელოვნად გაზრდილია რუსეთის ფედერაციის საოკუპაციო ჯარების მიერ საოკუპაციო ხაზის გადაკვეთის დარღვევისთვის საქართველოს მოქალაქეების დაკავების შემთხვევები“ - ნათქვამია News.ge-ს სტატიაში.
Radiomaestro.ge-სა და reportiori.ge-ს სტატიებში საუბარია სამინისტორგან მოწოდებულ ინფორმაციაზე, რომლის მიხედვითაც 2015 წლის მონაცემებით 2117 მოქალქეა უკანონოდ დაკავებული.
ღონისძიებები ახმეტის მუნიციპალიტეტში 1924 წლის აჯანყების მე-100-ე წლისთავთან დაკავშირებით
05.08.2024ქალაქ თბილისის საპარკინგე პოლიტიკა 2018-2024
29.07.2024