2015 წლიდან დღემდე, საქართველოს პარლამენტი აქტიურად მუშაობს ღია მმართველობის პარტნიორობის პრინციპების დანერგვასა და განხორციელებაზე. ღია პარლამენტის სამოქმედო გეგმებში ასახული ვალდებულებების განხორციელებით შესაძლებელი გახდა საქართველოს მოქალაქეებისათვის შექმნილიყო საპარლამენტო საქმიანობაში ჩართულობის სხვადასხვა მექანიზმი. აღნიშნული მექანიზმების მნიშვნელოვანი ნაწილი დანერგილია, მათ შორის, ელექტრონული ფორმით.
წინამდებარე მიმოხილვა შექმნილია საქართველოს პარლამენტიდან გამოთხოვილი საჯარო ინფორმაციის საფუძველზე და მიზნად ისახავს დაინტერესებულ პირებს მიაწოდოს რაოდენობრივი სტატისტიკური ინფორმაცია, როგორც საქართველოს მოქალაქეების მიერ საქართველოს პარლამენტის მიერ შემოთავაზებული მექანიზმების და სერვისების გამოყენების, ასევე საქართველოს პარლამენტის მიერ საკანონმდებლო და საზედამხედველო ფუნქციების განხორციელების შესახებ.
სტატისტიკური მიმოხილვა მომზადდა ინფორმაციის თავისუფლების განვითარების ინსტიტუტის (IDFI) მიერ ევროკავშირისა (EU) და გაეროს განვითარების პროგრამის (UNDP) მხარდაჭერით.
გაეცანით სტატისტიკურ მიმოხილვას:
სიახლეების გამოწერა
