25-27 თებერვლის ჩათვლით საზოგადოება "მემორიალისა" და IDFI-ს ორგანიზებით გაიმართა აქცია-გამოფენა „დავიწყება განმეორების გარანტიაა“ რომელიც 1921 წლის 25 თებერვალს საბჭოთა რუსეთის მიერ დამოუკიდებელი საქართველოს ოკუპაციის დღეს მიეძღვნა.
გამოფენა „გასაბჭოების შედეგები საქართველოში რეპრესირებულთა სიების და ფოტოების სახით“ რუსთაველის გამზირზე, ყოფილი პარლამენტის შენობის წინ გაიხსნა, სადაც ნებისმიერ მსურველს შეეძლო ეხილა რეპრესირებულთა სიები, ფოტოები და სხვა მასალა. მედიას, სპეციალურად გამოფენისთვის მოსულ თუ დაინტერესებულ ქართველ და უცხოელ გამვლელებს აქციის ორგანიზატორები უხსნიდნენ, თუ რა მიზანს ემსახურებოდა აღნიშნული ღონისძიება.
26-27 თებერვალს გამოფენამ ლიტერატურის მუზეუმში გადაინაცვლა, სადაც არაერთ მნახველს უმასპინძლა.
მსგავსი ღონისძიება საზოგადოება "მემორიალის" და IDFI-ს ორგანიზებით გასული წლის 25 თებერვალსაც გაიმართა, რომელიც საბჭოური პერიოდის პოლიტპატიმარ ქალებს ეხებოდა. გამოფენაზე წარმოდგენილი იყო რეპრესიის მსხვერპლთა სიები, ფოტოები, სატუსაღოებში პოლიტპატიმარი ქალების მიერ შესრულებული ნაკეთობები, მათი წერილები და სხვა მასალები.
იხილეთ ფოტოალბომი
სიახლეების გამოწერა
