IDFI-ს ექსპერტმა ეუთოს მე-12 სამხრეთ კავკასიური მედია კონფერენციაზე მოხსენება გააკეთა

სიახლეები | ინტერნეტი და ინოვაციები | პუბლიკაციები | სტატია 30 სექტემბერი 2015

ინფორმაციის თავისუფლების განვითარების ინსტიტუტის (IDFI) მედიისა და ტელეკომუნიკაციების მიმართულების ხელმძღვანელმა უჩა სეთურმა ეუთოს მე-12 სამხრეთ კავკასიური მედია კონფერენციაზე გააკეთა მოხსენება „ციფრულ მაუწყებლობაზე საქართველოს გადასვლა და მისი გავლენა მედია პლურალიზმზე“.


29-30 სექტემბერს თბილისში გამართულ შეხვედრას ესწრებოდნენ საერთაშირისო ექსპერტები და მედია ორგანიზაციების, მარეგულირებელი ორგანოების წარმომადგენლები საქართველოდან, აზერბაიჯანიდან და სომხეთიდან. კონფერენცია სახელწოდებით „გაციფრულება მედიის თავისუფლებისთვის“ მიზნად ისახავდა იმ გამოწვევების ანალიზს, რაც ციფრულ ერაში, ციფრულ მაუწყებლობაზე გადასვლისას წარმოიქმნება რეგიონში.


უჩა სეთურმა შეაჯამა საქართველოში ციფრულ მაუწყებლობაზე გადასვლის პროცესი და კონფერენციის მონაწილეებს მიაწოდა ინფორმაცია ყველა ეტაპის შესახებ, რომელიც განხორციელდა სახელმწიფო სტრატეგიის შექმნიდან მის სრულ რეალიზაციამდე.


IDFI-ს ექსპერტმა ხაზი გაუსვა სამოქალაქო საზოგადოების ჩართვის მნიშვნელობას ციფრულ მაუწყებლობაზე გადასვლის პროცესში. მისი თქმით, მთავრობის მიერ შემუშავებულ თავდაპირველ სტრატეგიაში მულტიპლექსის ოპერატორი სახელმწიფო უნდა გამხდარიყო, არსებობდა რისკები პატარა მაუწყებლების გაქრობის და ზოგადად სამაუწყებლო ბაზრის მონოპოლიზაციის, თუმცა, სწორედ სამოქალაქო საზოგადოების, უმთავრესად კი კოალიციის „მედია ადვოკატირებისთვის“ მუშაობის შედეგად შეიცვალა სტრატეგია, რის შედეგადაც მოხდა მულტიპლექსების კერძო კომპანიებისთვის გადაცემა და უზრუნველყოფილია პლურალისტური გარემო.


საქართველოში ციფრულ მაუწყებლობაზე გადასვლის პროცესი უჩა სეთურმა საერთო ჯამში წარმატებულად შეაფასა და თქვა, რომ გაიზარდა შესაძლებლობა მედიის კონტენტის მწარმოებელი იმ კომპანიებისთვის, რომელთაც ეთერში გასვლა სურთ, რასაც აქამდე ვერ ახერხებდნენ შეზღუდული რესურსის გამო.


უჩა სეთურმა ამ ეტაპისთვის მთავარ გამოწვევად დაასახელა ციფრულ საეთერო ქსელთან დაშვების რეგულაციები, რაც უახლოეს პერიოდში უნდა შემუშავდეს და დამტკიცდეს.

 

/public/upload/IDFI/Digital/DTT-Georgia-and-Media-Pluralism.pptx

სხვა მასალები ამ თემაზე
სიახლეები

ეთნიკური უმცირესობების პოლიტიკური ჩართულობა და მათი ელექტორალური ქცევა

13.09.2024

ფარული მეთვალყურეობის ზედამხედველობა: კანონმდებლობა და პრაქტიკა

05.09.2024

პერსონალურ მონაცემთა დაცვის სამსახური არ ასაჯაროებს იმ პერსონალურ მონაცემებს, რომელთა გამოქვეყნებასაც რუსული კანონი სამოქალაქო და მედია ორგანიზაციებს ავალდებულებს

30.08.2024

დაბლოკილი ვებგვერდები საქართველოში: სტატისტიკის ანალიზი

19.08.2024
განცხადებები

მმართველი პარტია მართლმსაჯულების საკითხებს პროპაგანდისტული და პარტიული ინტერესებისათვის იყენებს

21.08.2024

რუსული კანონის წინააღმდეგ სამართლებრივი ბრძოლა საკონსტიტუციო სასამართლოში გაგრძელდება

17.07.2024

მთავრობის კურსი ევროკავშირში გაწევრების პროცესის შეჩერებას იწვევს

04.07.2024

ქართული არასამთავრობო ორგანიზაციები საქართველოს მოქალაქეებზე ხელისუფლების მიერ მართულ ძალადობას გმობენ

13.06.2024
ბლოგპოსტები

ფარული მეთვალყურეობის ზედამხედველობა: კანონმდებლობა და პრაქტიკა

05.09.2024

დაბლოკილი ვებგვერდები საქართველოში: სტატისტიკის ანალიზი

19.08.2024

ბენეფიციარი მესაკუთრეების მონაცემების ხელმისაწვდომობის გამოწვევები უნგრეთში

29.07.2024

ბენეფიციარი მესაკუთრეების გამჭვირვალობა სლოვაკეთში: მიმდინარე მოვლენების ანალიზი და მთავარი საჭიროებები

29.07.2024