2014 წლის 20-21 ოქტომბერს IDFI-მ (ინფორმაციის თავისუფლების განვითარების ინსტიტუტი) მიმდინარე პროექტის „ახალგაზრდებში მთავრობის გასაკონტროლებლად საჭირო ელ-უნარების განვითარება“ ფარგლებში ჩაატარა დისკუსიები „აკონტროლე შენი მთავრობა“ რუსთავისა და გორის დემოკრატიული ჩართულობის ცენტრებში.

დისკუსიები მიზნად ისახავს რეგიონის ახალგაზრდების, სამოქალაქო აქტივისტებისა თუ ბლოგერებისთვის ინფორმაციის გაზიარება ადგილობრივ თუ ცენტრალურ ხელისუფლებასთან ეფექტური კომუნიკაციის წარმოების ტექნიკებისა და ადვოკატირების პროექტების მართვის შესახებ. შეხვედრის მონაწილეებს საშუალება ჰქონდათ, გაცნობოდნენ ინფორმაციას საზოგადოებრივი აქტორების მიერ მთავრობაზე გავლენის მექანიზმების, სამოქალაქო აქტივიზმის ძირითადი პრინციპების, მთავრობასა და მოქალაქეს შორის ეფექტური კომუნიკაციის ხერხების თაობაზე. შეხვედრის ბოლოს პრაქტიკული სავარჯიშოს სახით მათ თავად დაგეგმეს შეხვედრა ხელისუფლების წარმომადგენელთან.

დისკუსიები დაგეგმილია საქართველოს 10 სხვადასხვა რეგიონის დემოკრატიული ჩართულობის ცენტრში და დასრულდება 2014 წლის ნოემბერში.

პროექტი „ახალგაზრდებში მთავრობის გასაკონტროლებლად საჭირო ელ-უნარების განვითარება“ ხორციელდება საქართველოში აშშ-ის საელჩოს ფინანსური მხარდაჭერით.

დისკუსიის სახელი: აკონტროლე შენი მთავრობა/In Control With Your Government

დისკუსიის თემები: ეფექტური კომუნიკაცია და ადვოკატირების პროექტების მენეჯმენტი