საკონსულტაციო ჯგუფმა ღია და გამჭვირვალე მმართველობის მუდმივმოქმედი საპარლამენტო საბჭოს მხარდაჭერის გზებზე იმსჯელა

სიახლეები | პუბლიკაციები | ღია მმართველობა და კორუფციასთან ბრძოლა | სტატია 23 თებერვალი 2016

23 თებერვალს გაეროს სახლში ღია და გამჭვირვალე მმართველობის მუდმივმოქმედ საპარლამენტო საბჭოსთან არსებული საკონსულტაციო ჯგუფის შეხვედრა გაიმართა. შეხვედრაზე არასამთავრობო და საერთაშორისო ორგანიზაციების წარმომადგენლებმა განსაზღვრეს საბჭოს შემადგენლობა, აირჩიეს საკონსულტაციო ჯგუფის თავმჯდომარე და იმსჯელეს ღია და გამჭვირვალე მმართველობის მუდმივმოქმედ საპარლამენტო საბჭოსთვის მხარდაჭერის გზებზე. საკონსულტაციო ჯგუფის თავმჯდომარედ არჩეულ იქნა არასამთავრობო ორგანიზაცია - ინფორმაციის თავისუფლების განვითარების ინსტიტუტი (IDFI), რომელიც საკონსულტაციო ჯგუფს წარმოადგენს საქართველოს პარლამენტთან ურთიერთობაში და ქვეყნის შიგნით და გარეთ გამართულ ღონისძიებებში.


ასევე, საკონსულტაციო საბჭომ განიხილა 5-6 მარტს დაგეგმილი გასვლითი სამუშაო შეხვედრის დეტალები, რათა გასვლითი სამუშაო შეხვედრა უფრო ეფექტიანი და შედეგიანი იყოს.


შეხვედრის გახსნისას, გიგი ბრეგაძემ - გაეროს განვითარების პროგრამის თბილისის ოფისის დემოკრატიული მმართველობის ჯგუფის ხელმძღვანელმა - მონაწილეებს საპარლამენტო ღიაობის თვალსაზრისით მიღწეული წარმატება მიულოცა და აღნიშნა, რომ საქართველო ევროპაში საპარლამენტო ღიაობის თვალსაზრისით განხორციელებულ აქტივობებში წამყვანია და ჩვენს მიერ გაკვალულ გზას უკრაინა მიყვება მათ მიერ შემუშავებული ღია პარლამენტის სამოქმედო გეგმის სახით. შეხვედრაზე მონაწილეებმა ხაზი გაუსვეს ქართული გამოცდილების გაზიარების მნიშვნელობას საერთაშორისო არენაზე.


24-26 თებერვალს ინფორმაციის თავისუფლების განვითარების ინსტიტუტის დირექტორი - გიორგი კლდიაშვილი საკანონმდებლო ღიაობასა და ღია მმართველობის პარტნიორობის საკითხებზე სლოვაკეთში გამართულ კონფერენციას დაესწრება. კონფერენციაზე გიორგი კლდიაშვილი, დეპუტატ გუგული მაღრაძესთან ერთად მონაწილეებს საქართველოს გამოცდილებას გააცნობს და ისაუბრებს საქართველოს საკანონმდებლო ღიაობის პროგრესზე ღია მმართველობის პარტნიორობის ფარგლებში.


მონაწილეებმა შეხვედრაზე ხაზი გაუსვეს ღია და გამჭვირვალე მუდმივმოქმედი საპარლამენტო საბჭოს შექმნის მნიშვნელობას, რომელიც სამოქმედო გეგმის პირველი შესრულებული ვალდებულებაა და აღნიშნეს, რომ სამოქმედო გეგმით გათვალისწინებული ვალდებულებების სრულყოფილი შესრულებისათვის, აუცილებელია, რომ საკონსულტაციო ჯგუფმა დიდი მობილიზება და აქტიური ჩართულობა გამოიჩინოს.


საპარლამენტო საბჭოს და მასთან არსებული საკონსულტაციო ჯგუფის მუშაობას მხარს უჭერს გაეროს განვითარების პროგრამისა (UNDP) და ევროკავშირის (EU) მიერ დაფინანსებული პროექტი „საქართველოს პარლამენტის მხარდაჭერა ღია პარლამენტის სამოქმედო გეგმის განხორციელების პროცესში“, რომელსაც ახორციელებს ინფორმაციის თავისუფლების განვითარების ინსტიტუტი (IDFI). პროექტის მიზანია ხელი შეუწყოს ღია და გამჭვირვალე მმართველობის მუდმივმოქმედ საბჭოს ღია პარლამენტის სამოქმედო გეგმით გათვალისწინებული ვალდებულებების განხორციელებაში.

სხვა მასალები ამ თემაზე
სიახლეები

შპს პარმას მიერ უკონკურენტოდ მოგებული თბილისის მერიისა და გამგეობების ტენდერები

20.05.2025

სამოქალაქო საზოგადოების ორგანიზაციებმა 2024 წლის ნოებრიდან ჩადენილი ადამიანის უფლებების მძიმე და სისტემური დარღვევების შესახებ დოკუმენტირების ანგარიში წარადგინეს

14.05.2025

ფიზიკური თავდასხმა ტელეკომპანია "პირველი"-ს გადამღებ ჯგუფზე

12.05.2025

სამოქალაქო საზოგადოების ორგანიზაციების განცხადება ევროპის დღესთან დაკავშირებით

09.05.2025
განცხადებები

ფიზიკური თავდასხმა ტელეკომპანია "პირველი"-ს გადამღებ ჯგუფზე

12.05.2025

სამოქალაქო საზოგადოების ორგანიზაციების განცხადება ევროპის დღესთან დაკავშირებით

09.05.2025

გადაცემა "რეალური სივრცის" დახურვა "ქართული ოცნების" რეპრესიული პოლიტიკის ნაწილია

06.05.2025

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025
ბლოგპოსტები

ვიზალიბერალიზაციის გავლენა საქართველოს მოსახლეობის კეთილდღეობაზე

05.05.2025

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024