IDFI-მ, პარტნიორ ორგანიზაციებთან ერთად, უნივერსალური პერიოდული მიმოხილვის (UPR) მე-4 ციკლის ფარგლებში, UPR-ის სამუშაო ჯგუფს, საქართველოში ადამიანის უფლებების მდგომარეობის შესახებ ერთობლივი ანგარიში წარუდგინა.
ერთობლივი ანგარიში სამოქალაქო საზოგადოების ორგანიზაციების მიერ 2025 წლის მაისის თვეში მომზადდა და უმეტესწილად ეყრდნობა, 14 მაისს, 11 ორგანიზაციის მიერ გამოქვეყბული დოკუმენტირების ანგარიშის მიგნებებს.
UPR-ის სამუშაო ჯგუფისთვის წარდგენილი ანგარიში ყურადღებას ამახვილებს UPR-ის წინა ციკლის შემდგომ, საქართველოში ადამიანის უფლებების მდგომარეობის მკვეთრ გაუარესებაზე და მიღებული რეკომენდაციების შეუსრულებლობაზე.
დოკუმენტში განხილული და შეფასებულია შემდეგი საკითხები:
-შეკრების, გაერთიანებისა და გამოხატვის თავისუფლებების მასობრივი დარღვევა, მათ შორის, რეპრესიული კანონებით და საპოლიციო ძალადობით;
-2024 წლის ნოემბრიდან საპოლიციო ძალების მიერ წამებისა და არასათანადო მოპყრობის სისტემური და მასობრივი გამოყენება მშვიდობიანი დემონსტრანტების წინააღმდეგ;
-ქვეყანაში უფლებადამცველთა უფლებების და მედიის თავისუფლების კუთხით გაუარესებული მდგომარეობა;
-თანასწორობის უფლების დარღვევის შემთხვევები;
-ადამიანის უფლებების მძიმე დარღვევებზე ეფექტიანი რეაგირების არარსებობა.
უნივერსალური პერიოდული მიმოხილვა (UPR) გაეროს ადამიანის უფლებათა საბჭოს მექანიზმია, რომელიც, ყოველ 4.5 წელიწადში ერთხელ, გაეროს თითოეულ წევრ სახელმწიფოში ადამიანის უფლებათა მდგომარეობის შეფასებას გულისხმობს.
/public/upload/0IDFI/UPR Georgia CSO.pdf
სიახლეების გამოწერა
