2010 წლის განმავლობაში IDFI-ის (ინფორმაციის თავისუფლების განვითარების ინსტიტუტი) არქივებთან დაკავშირებით ჩატარებული აქტივობები ძირითადად შეეხებოდა ინფორმაციის თავისუფლებასა და ხელმისაწვდომობას;
საბჭოთა წარსულზე მუშაობის თვალსაზრისით, საინტერესო გახლდათ საერთაშორისო კონფერენცია "ინფორმაციის თავისუფლება კავკასიის რეგიონში" (8-11 მაისი, 2009 წელი), რომლის მონაწილე ქვეყნებმა (სომხეთი, აზერბაიჯანი, საქართველო, რუსეთი, ამერიკის შეერთებული შტატები) არსებული პრობლემების სიმრავლიდან გამომდინარე და მათ გადასაჭრელად გამოკვეთეს ერთიანი სტრატეგიის ჩამოყალიბებისა და ეფექტური ქსელის შექმნის აუცილებლობა. საუბარი შეეხო ასევე საერთო საბჭოთა წარსულის გავლენას წარმოდგენილ ქვეყნებში. მოქალაქეებს არ ჰქონდათ წვდომა ინფორმაციაზე და მოქალაქეების უმეტესობამ დღესაც არ იცის, რომ არსებობს კანონი ინფორმაციის თავისუფლების შესახებ, ბევრი რეგიონალური საჯარო დაწესებულების წარმომადგენლისთვის არ არის ცნობილი მათი კანონმდებლობით გათვალისწინებული ვალდებულებები.
2010 წლის 9 ნოემბერს შინაგან საქმეთა სამინისტროს საარქივო სამმართველოს მე-2 განყოფილებაში (ყოფილი „საქართველოს კომუნისტური პარტიის ცენტრალური კომიტეტის არქივი“) მოეწყო პროექტის “საარქივო დოკუმენტების კოლექციის კრებული”პრეზენტაცია. IDFI-ის წარმომადგენლებმა პრეზენტაციის მონაწილეებს გააცნეს 1956 წლის 5-9 მარტის მოვლენებთან დაკავშირებული დოკუმენტების დამუშავებული კოლექცია, მარტის მოვლენების კვლევისას გამომჟღავნებული ახალი ისტორიული ფაქტები და საარქივო მასალების მნიშვნელობა საქართველოსა და საბჭოთა ისტორიის კვლევის საკითხებში.
2010 წლის 23-26 ოქტომბერს IDFI-ის ანალიტიკოსებმა მონაწილეობა მიიღეს პირველ საერთაშორისო კონფერენციაში „საქართველო მე-20 საუკუნეში: საქართველოს უშიშროების არქივების მიხედვით“. კონფერენციის განმავლობაში მომხსენებლებმა ისაუბრეს ისეთ საკითხებზე, როგორიცაა არქივების გახსნილობა, საბჭოური პერიოდის არქივები, საარქივო დოკუმენტები და რაც მთვარია, ამ დოკუმენტებზე დაყრდნობით ჩატარებული სამეცნიერო კვლევები;
აღსანიშნავია ის, რომ ინსტიტუტის მკვლევარები საარქივო და სხვა წყაროებზე დაყრდნობით აწყობენ გამოფენებს, აგროვებენ ფოტო და დოკუმენტურ მასალებს, იწერენ ზეპირ ისტორიებს, აქვეყნებენ კვლევებსა და პუბლიკაციებს. ამ მიმართულების ფარგლებში ორგანიზაცია თანამშრომლობს შინაგან საქმეთა სამინისტროს და საქართველოს ეროვნულ არქივთან, მსოფლიოს წამყვან კვლევით ინსტიტუტებსა და სამეცნიერო ორგანიზაციებთან.
ღონისძიებები ახმეტის მუნიციპალიტეტში 1924 წლის აჯანყების მე-100-ე წლისთავთან დაკავშირებით
05.08.2024ქალაქ თბილისის საპარკინგე პოლიტიკა 2018-2024
29.07.2024