ახალი პარლამენტის მშენებლობის ხარჯები და დაფინანსების სქემა

სიახლეები 10 დეკემბერი 2012

 

დღეს, 15:00 საათზე ფონდ „ღია საზოგადოება საქართველოს“ ოფისში, ინფორმაციის თავისუფლების განვითარების ინსტიტუტმა  (IDFI)  მედიის წარმომადგენლებს ახალი პარლამენტის მშენებლობის დაფინანსების შესახებ დეტალური ინფორმაცია და ანალიზი წარუდგინა, რომელიც  ფინანსთა სამინისტროდან და სხვა საჯარო დაწესებულებებიდან მიღებული ინფორმაციის საფუძველზე  მომზადდა.  
სახელმწიფო მომსახურების ბიუროდან მიღებული ინფორმაციით მთლიანობაში ქალაქ ქუთაისში პარლამენტისა და მთავრობის სახლის მშენებლობისთვის 347 194 772 ლარია გადარიცხული.

2011 წლიდან საქართველოს პარლამენტის მშენებლობის დამკვეთად განისაზღვრა შპს „სახელმწიფო მომსახურების ბიურო“, რომელიც 50 ლარის საწესდებო კაპიტალით შეიქმნა. დღეს მისი კაპიტალი, ეკონომიკის სამინისტროს მიერ მისთვის საკუთრებაში გადაცემული სახელმწიფო  ქონების საშუალებით დაახლოებით 190 მილიონ ლარს შეადგენს. საქართველოს პარლამენტის მშენებლობისთვის აუცილებელი თანხების მობილიზება სახელმწიფო ქონების გაყიდვით მოხდა
მიღებული ინფორმაციიდან გაირკვა, რომ  პარლამენტის მშენებლობისთვის ყველაზე მსხვილი თანხა მობილიზებული იქნა  სააქციო საზოგადოება “ხრამჰესის” აქციების 100% 99 774 000 ლარად გაყიდვით. აღსანიშნავია, რომ “ხრამჰესი” შეიძინა კომპანია GARDABANI HOLDINGS B.V. რომელიც თავის მხრივ ეკუთვნის რუსეთის მსხვილ სახელმწიფო ჰოლდინგს ЗАО “ИНТЕР РАО ЕЭС”.

საქართველოს პარლამენტისა და მთავრობის ახალი შენობების მშენებლობას ახორციელებდნენ და საკმაოდ მსხვილ ფინანსურ მოგებას იღებდნენ  მაღალი თანამდებობის პირების მფლობელობაში არსებული კომპანიები: შპს „მენო ინტერნეიშენალი რომლის 33 % -იანი წილის მფლობელია საქართველოს კომუნიკაციების ეროვნული კომისიის თავმჯდომარე ირაკლი ჩიქოვანი  და შპს „კავკასუს როუდ პროჯექტი, კომპანიის 100% წილს დასაქმების ყოფილი სახელმწიფო მინისტრი პაატა ტრაპაიძე ფლობს.


შპს „სახელმწიფო მომსახურების ბიუროს“ მიერ მოწოდებული ინფორმაციით პარლამენტის შენობის მშენებლობასთან დაკავშირებული სამუშაოების შესრულებისათვის შპს „მენო ინტერნეიშნლ“-სთვის გადარიცხული თანხა შეადგენს 216 470 114,58  ლარს, ხოლო „კავკასუს როუდ პროჯექტმა“ 34 797 370,52 ლარის ოდენობის ტრანსფერი მიიღო.


IDFI –ს მიერ მომზადებული ანალიზი  პარლამენტის მშენებლობის დაფინანსების შესახებ შეგიძლიათ იხილოთ ჩვენს ბლოგზე.


სტატია მომზადდა ფონდ „ღია საზოგადოება - საქართველოს“ ინიციატივით, ფონდის მიერ დაფინანსებული პროექტის "საჯარო ინფორმაციის მონაცემთა ბაზა" - www.opendata.ge ფარგლებში.

სხვა მასალები ამ თემაზე
სიახლეები

ქართული ოცნების შემომწირველები და მათი ბენეფიტები არჩევნების შემდეგ

24.04.2025

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025

მანიფესტანტების მასიური თვალთვალი და პერსონალურ მონაცემთა დაცვის სამსახურის არასათანადო რეაგირება

15.04.2025

ჟურნალისტების უკანონოდ გათავისუფლება საზოგადოებრივი მაუწყებლიდან

11.04.2025
განცხადებები

ვიზალიბერალიზაციის გაუქმება არა ქართველი ხალხის, არამედ ივანიშვილის და რუსეთის ინტერესია

18.04.2025

ჟურნალისტების უკანონოდ გათავისუფლება საზოგადოებრივი მაუწყებლიდან

11.04.2025

არალეგიტიმური მთავრობა ქართველი ხალხის დევნის აქტს იღებს

08.04.2025

ვეხმიანებით დიდი ბრიტანეთის მიერ გავლენიან მოსამართლეთა დასანქცირებას მართლმსაჯულებით ვაჭრობისთვის

04.04.2025
ბლოგპოსტები

ვაცლავ ჰაველის "ძალა უძალოთა" - სიმართლე, როგორც წინააღმდეგობის ფორმა

02.04.2025

ქართველი ემიგრანტების საარჩევნო უფლების რეალიზების კუთხით არსებული გამოწვევები და მათი ელექტორალური ქცევა

25.12.2024

რუსეთის სპეცსამსახურების აქტიური ღონისძიება - ალექსანდრე მალკევიჩი საქართველოში

29.11.2024

ინტერმუნიციპალური საქმიანობის გაძლიერება საქართველოში

21.10.2024