სიახლეების გამოწერა

პრემიები კომუნიკაციების ეროვნულ კომისიაში

8 მაისი 2013

IDFI-იმ (ინფორმაციის თავისუფლების განვითარების ინსტიტუტმა) 2013 წლის 29 მარტს საქართველოს კომუნიკაციების ეროვნულ კომისიას მიმართა შემდეგი საჯარო ინფორმაციის მოთხოვნით:

“2012 წლის პირველი იანვრიდან, წერილის მიღების მომენტამდე, კომისიის წევრებზე (ცალ-ცალკე) და თანამშრომლებზე (საერთო ოდენობა) თვეების მიხედვით დარიცხული პრემიების ოდენობის შესახებ ინფორმაცია.”

კომუნიკაციების ეროვნულმა კომისიამ ნაწილობრივ დააკმაყოფილა ინსტიტუტის მოთხოვნა. მათ მიერ მოწოდებული იქნა აღნიშნულ პერიოდში გაცემული პრემიების საერთო ოდენობა. სამწუხაროდ ინფორმაცია არ იქნა მოწოდებული თვეების მიხედვით. მიღებული მონაცემები გამოიყურება შემდეგნაირად:

1

როგორც მიღებული დოკუმენტაციიდან ირკვევა 2012 წლის პირველი იანვრიდან 2013 წლის 29 მარტამდე კომუნიკაციების ეროვნულ კომისიის წევრებზე ერთობლივად გაცემულია 331 307,5 ლარის ოდენობის პრემია:

ირაკლი ჩიქოვანი (კომისიის თავმჯდომარე) – 83 823,5 ლარი
სოფიო ბრიტანჩუკი (კომისიი წევრი) – 63 847,5 ლარი
კარლო კვიტაიშვილი (კომისიის წევრი) – 63 847,5 ლარი
აკაკი სიხარულიძე (კომისიის წევრი) –  55 941,5 ლარი
ირაკლი მოსეშვილი (კომისიის წევრი) – 63 847,5 ლარი

დროის ამავე მონაკვეთში, კომისიის აპარატის 108 თანამშრომელზე გაცემულმა პრემიამ შეადგინა 1 266 564,19 ლარი.

როგორც ზემოთ აღვნიშნეთ, პრემიებზე გაცემული თანხები მოიცავს 2012 წლის პირველი იანვრიდან 2013 წლის 29 მარტამდე პერიოდს, ხოლო საქართველოს კომუნიკაციების ეროვნული კომისიის ვებ-გვერდზე ვხვდებით 2013 წლის 2 აპრილის კომისიის გადაწყვეტილებას, რომლის მიხედვითაც, კომისიის წევრების პრემირების მიზნით გამოიყო 63 240 ლარი და კომისიის თითოეულ წევრს მიეცა პრემია ერთი თვის ხელფასის ოდენობით ანუ 15 810 ლარი. ამავე დადგენილებით, აპარატის თანამშრომლების პრემირებისთვის გამოყოფილი იქნა 218 962 ლარი. საინტერესოა, რომ როგორც დოკუმენტში არსებული ჩანაწერიდან ირკვევა, აღნიშნულ გადაწყვეტილებას მხარი არ დაუჭირა კომისიის ერთ-ერთმა წევრმა კარლო კვიტაიშვილმა (ამ პერიოდში კომისიის თავმჯდომარის მოვალეობის შემსრულებელი), თუმცა მიუხედავად აღნიშნულისა, მასზე მაინც გაიცა ერთი თვის ხელფასის ოდენობის პრემია.

2

IDFI-იმ მარეგულირებელი კომისიების წევრთა შრომითი ანაზღაურების შესახებ უკვე შემოგთავაზათ მცირე ანალიზი, სადაც წარმოდგენილი იქნა კომისიის თავმჯდომარისა და წევრების 2009 – 2011 წლების დეკლარირებული შემოსავლები. სტატიაში ასევე გაანალიზებული იქნა თუ როგორ ხდება შრომითი კოეფიციენტების მიხედვით სახელფასო ფონდიდან ხელფასების გადანაწილება. ჩვენს ხელთ არსებულ მონაცემებზე დაყრდნობით და სახელფასო ფონდიდან კოეფიციენტების საშუალებით ხელფასების გადანაწილების მეთოდოლოგიის გათვალისწინებით საშუალება გვეძლევა წარმოგიდგინოთ ის სავარაუდო შემოსავლები, რომლებიც მიიღეს კომისიის თავმჯდომარემ და წევრებმა 2012 წელს და 2013 წლის პირველი კვარტალის განმავლობაში.

3

ზემოთ მოყვანილი ციფრები, ეფუძნება ვარაუდს, რომ 2012 წელს და 2013 წლის პირველი სამი თვის განმავლობაში კომისიის წევრების მიერ მიღებული იქნა ყოველ კვარტალური პრემია ერთი თვის ხელფასის ოდენობით.  აღსანიშნავია, რომ კომისიის ყოფილმა თავმჯდომარემ (ირაკლი ჩიქოვანმა) 83 823,5 ლარის ოდენობით პრემია მიიღო 2012 წლის 1 იანვრიდან 2012 წლის 16 ნოემბრამდე პერიოდში, ვინაიდან სწორედ 2012 წლის 16 ნოემბრით თარიღდება მისი შვებულებაში გასვლის ოფიციალურ თარიღი რის შემდგომაც მას  კომისიის თავმჯდომარის მოვალეობა აღარ შეუსრულებია.

4

სამწუხაროდ ამ პერიოდისათვის კომუნიკაციების ეროვნული კომისიის ვებ-გვერდზე არ არის განთავსებული 2012 წლის ბიუჯეტის შესრულების ანგარიში, საიდანაც გავიგებდით თუ რა ოდენობის თანხა მოიცვა  საპრემიო ფონდმა 2012 წელს. თუმცა, ვებ-გვერდზე მოიპოვება 2012 წლის და 2013 წლის დამტკიცებული ბიუჯეტების პროექტები საიდანაც ირკვევა, რომ 2012 წელს პრემირების ფონდისთვის განსაზღვრული იყო 191 050 ლარი, ხოლო 2013 წლისათვის განსაზღვრულია 235 050 ლარი. როგორც ჩანს კომისიის მიერ წლის დასასრულს რეალურად მიღებული შემოსავლები ყოველთვის აჭარბებს წლის დასაწყისში დაგეგმილ შემოსავლებს, რაც განაპირობებს პრემირების ფონდის ზრდას.  ვინაიდან 2012 – 2013 წლებში ერთობლივად დაგეგმილ პრემირების ფონდს დაახლოებით ოთხჯერ აღემატება 2012 წელს და 2013 წლის პირველ  სამ თვეში გაცემული პრემიის ოდენობა.

5

სხვა მასალები ამ თემაზე
სიახლეები

ღია მმართველობის პარტნიორობა - გლობალური სამიტები და საქართველოს მიღწევები

08.12.2016

საქართველო-რუსეთის ეკონომიკური ურთიერთობები 2008-2016 წლებში

08.12.2016

საქართველო 2017 წლის ბიზნესის კეთების ინდექსში

07.12.2016

ინფორმაციის თავისუფლების განვითარების ინსტიტუტმა საქართველოს საკონსტიტუციო სასამართლოს კონსტიტუციური სარჩელით მიმართა

06.12.2016
განცხადებები

„კოალიცია ევრო-ატლანტიკური საქართველოსთვის“ განცხადება საქართველოს პარლამენტის თავდაცვისა და უშიშროების კომიტეტის ნდობის ჯგუფის დაკომპლექტებასთან დაკავშირებით

25.11.2016

„კოალიცია ევრო-ატლანტიკური საქართველოსთვის“ ხელისუფლებას რუსეთის მიმართ მკაფიო პოლიტიკის განსაზღვრისკენ მოუწოდებს

28.10.2016

სადისციპლინო კოლეგიისა და პალატის ბოლო გადაწყვეტილებით დადგენილი პრაქტიკა საფრთხის შემცველია სასამართლოს დამოუკიდებლობისთვის

06.10.2016

კოალიცია ევროატლანტიკური საქართველოსთვის მოუწოდებს მთავრობას გაასაჯაროოს ასოცირების შესახებ შეთანხმების 2017-2019 წლების დღის წესრიგის საპროექტო ტექსტი

19.09.2016
ბლოგპოსტები

პერსონალური მონაცემების დაცვა, როგორც სასამართლოს საქმიანობის გასაიდუმლოების ინსტრუმენტი

16.11.2016

საპარლამენტო არჩევნების შედეგები - გამოწვევები საქართველოს დემოკრატიული განვითარების გზაზე

19.10.2016

კონსტიტუციური მართლმსაჯულების პოლიტიზაცია: კონსტიტუციური სარჩელების ე.წ. გამოცვლა და აცილების შუამდგომლობები საკონსტიტუციო სასამართლოში

19.09.2016

საქართველოს ექსპორტის პრობლემები და ექსპორტის წამახალისებელი პროგრამები

28.07.2016